DILI, 06  novembru 2021 (TATOLI) — Sala Situasaun Sentru Integradu Jestaun Krize (CIGC, siglá portugés) relata kazu detetadu pozitivu COVID-19 foun na’in-haat, rekuperadu sia no kazu ativu haat.

“Kazu foun ohin  iha haat  hosi Dili no munisípiu seluk laiha,“ Koordenadór Forsa Tarefa ba Prevensaun no Mitigasaun, Rui de Araújo, hateten liuhosi komunikadu imprensa ne’ebé Agência Tatoli asesu, sábadu ne’e.

Hosi  21 marsu 2020 to’o 06 novembru 2021, rejista kazu konfirmadu kumulativu hamutuk 19.799.

Hosi loron sesta ne’e to’o sábadu ne’e, Laboratóriu Nasionál Saúde halo teste PCR na’in -127  ho detallu hanesan, vijilánsia sentinela 0, rastreiu ba kontaktu (contact tracing) ida, rastreiu aleatóriu (random screening) 30, viajen internasionál 69 no follow up iha kuarantrena 27.

Totál  teste PCR iha 05 novembru, iha munisípiu sira seluk , RAEOA no HNGV hamutuk 190, ho detallu hanesan, Baucau 50,  Ermera 0, Maliana 10, Maubisse 0, RAEOA 0, Suai 0,  Viqueque 0, Lospalos 0, HNGV 127 no Vera Cruz tolu.

Totál teste PCR iha oras 24 ikus 317, ida ne’e hatudu taxa pozitividade 1,2% (iha semana kotuk, 30 outubru, taxa pozitividade :0,69%).

Rui Maria Araújo, informa totál populasaun elijível tinan 18 ba leten, to’o ohin dadeer tuku 10:00, 06 novembru 2021 tuir sistema informasaun sáude iha Ministériu Saúde ho kumulativu primeira doze iha Dili (82,8%) no totál kumulativu segundu doze iha Dili (73,9%).

“ Ema-ne’ebé simu ona vasina doze dahuluk iha Timor-Leste (75.1%) no simu ona doze segundu (49.3%)” nia dehan.

Jornalista         : Nelson de Sousa

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here