Administradór Dioseze Baucau, Padre Alípio Pinto Gusmão. Imajen TATOLI/Natalino Belo.

BAUCAU, 04 novembru 2021 (TATOLI) – Padre Pároku Manatuto, Alípio Pinto Gusmão, lidera Dioseze Baucau hodi hein desizaun hosi Roma kona-ba Bispu defintiva foun ba Dioseze Baucau.

Amu Pároku Manatuto ne’e lidera provizóriu Dioseze Baucau bazea karta ho númeru referénsia 01/CEP/I/2021 no rezultadu eleisaun sekretu ne’ebé hala’o iha loron 31 fulan-outubru 2021, nu’udar nu’udar Administradór Dioseze Baucau.

“Iha oras 10:30 kalan (31/10/2021) hili ona reverendu Padre Alípio Pinto Gusmão atuál Padre Paróku Parókia Manatuto ho omiliasaun no obidénsia aseita votu hodi nomeadu nu’udar Administradór Dioseze Baucau hodi governa no administra provizóriumente Dioseze Baucau hodi hein ita-nia Bispu foun,” komunikadu imprensa ne’ebé Agência TATOLI asesu hosi Dioseze Baucau, kuarta ne’e.

Iha prosesu eleisaun sekretu n’e prezide hosi Konsultór Dioseze Baucau, Padre Manuel da Silva Ximenes, SDB ho membru sira komposta hosi Padre Evaristo António da Costa, Padre José Gonzaga, Padre Benedictos Rando, Padre Thomas Aquino Guterres Lopes da Cruz, hala’o tuir norma kanónika iha 421/1.

Tuir regulamentu númeru 7 ne’ebé fó kompeténsia ba Dioseze refere atu konvoka reuniaun no avaliasaun ho votu sekretu tuir prosedimentu tomak no norma eleisaun nian ne’ebé prevee iha norma kanónika 164 to’o 179 hodi hili Admisistradór Diosezanu. Dioseze Baucau lakon ona Bispu Dioseze Baucau, Dom Basílio do Nascimento iha loron 30 outubru iha Hospital Nacional Guido Valadres (HNGV).

Notísia relevante:PN aprova votu pezár ba saudozu Dom Basílio no Max Stahl

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here