Komunidade hamoos baleta tuir programa Mão de Obra. Imajen Tatoli/Celestina Teles

COVALIMA, 04 novembru 2021 (TATOLI)—Administradór Munisípiuu Covalima, Francisco de Andrade, informa implementasaun programa Mão de Obra ba faze daruak iha Munisípio Covalima besik finaliza ona.

Notísia Relevante:  Programa Mão de Obra hahú ona faze daruak iha Covalima

“Implementasaun programa mão obra ba faze daruak besik finaliza ona, maibé ami-nia ekipa konjunta harii hosi PIDM sei halo monitorizasaun hodi haree implementasaun programa ne’e bazea ba planu programa ne’ebè mak aprezenta ne’e ka lae,” Administradór Covalima informa ba Agência Tatoli iha nia servisu fatin, kinta ne’e.

Hafoin ekipa halo monitorizasaun, dministradór postu administrativu sira sei aprezenta relatóriu ba administrasaun munisípiu Covalima. 

Durante implementa programa mão de obra, nia dehan, programa ne’e foku liu ba hadi’a estrada, hamoos baleta, kuda ai-funan nomós harii jardín iha edifísiu postu administrativu sira-ne’ebé orsamentu mai hosi OJE 2021 ba kada postu administrativu ho montante $50,000.00. Hosi orsamentu ne’e foti $25,000.00 ba faze dahuluk no ba faze daruak $25,000.00. 

“Implementasaun programa mão de obra ba faze daruak nia pursentu ne’e oinsá ona ita seidauk hatene, tanba sira seidauk hato’o relatóriu mai iha finansa no servisu la’o hela maibé besik atu finaliza ona,” Francisco Andrade hateten.

Xefe Suku Camanasa, Samuel Barros, hateten implementasaun programa mão de obra iha suku Camanasa tau prioridade hamoos baleta, nune’e bainhira tempu udan labele hamosu inundasaun.

“Iha ami-nia Suku Camanasa prioridade hamoos baleta, nune’e iha tempu udan labele hamosu inundasaun hodi fó impaktu ba komunidade,” nia hateten.

Tuir observasaun Agência Tatoli haktuir katak, iha munisípiu Covalima ne’e implementasaun programa mão de obra oras ne’e daudauk sei la’o hela hanesan iha Suku Ogues, postu administrativu Maucatar konstrui baleta, balun hamoos baleta nune’e bainhira iha tempu udan labele hamosu inundasaun. 

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here