Komunidade hamoos valete tuir programa Mão de Obra. Imajen Tatoli/Celestina Teles

COVALIMA, 13 setembru 2021 (TATOLI) – Administradór Munisípiu Covalima, Francisco Andrade, segunda ne’e, iha Covalima, informa implementasaun  Programa Mão de Obra iha Munisípiu Covalima hahú ona  iha faze daruak.

Implementasaun programa Mão de Obra iha faze dahuluk remata ona ne’ebé foku liubá hadi’a estrada, hamoos valeta, kuda ai-funan no mós harii jardín iha edifísiu Postu  Administrativu sira ne’ebé orsamentu mai hosi orsamentu 2021 ba kada postu administrativu  ho montante $50,000.00 hosi orsamentu ne’e foti $25,000.00.

“Implementasaun   Programa Mão  de Obra ba faze daruak nia porsentu ne’e oinsá ona ita seidauk hatene  tanba sira seidauk hato’o relatóriu mai iha finansas no servisu la’o hela,” Francisco Andrade hateten.

Hosi sorin seluk, Xefe Suku Camanasa, Samuel Barros hateten, implementasaun Programa Mão de Obra iha Suku Camanasa tau prioridade hamoos valeta, nune’e bainhira  tempu udan labele hamosu inundasaun.

“Iha ami nia Suku Camanasa agora sira hamoos hela valeta, nune’e iha tempu udan  labele fó impaktu ba komunidade,”  Samuel Barros hateten.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here