Primeiru-Ministru, Taur Matan Ruak, no membru Governu balun presta omenajen ikus ba mate-isin Amu Bispu Dom Basílio do Nascimento, iha Igreja Katedrál Villa-verde, domingu (31/10). Imajen TATOLI/António Gonçalves

DILI, 31 outubru 2021 (TATOLI)—Entidade Estadu sira hahú hosi Prezidente Repúblika, Francisco Guterres ‘Lú Olo’, Primeiru-Ministru, Taur Matan Ruak, membru Governu no Deputadu sira, inklui seluk tan, presta omenajen ikus ba mate-isin Saudozu Bispu Dioseze Baucau, Dom Basílio do Nascimento.

Prezidente Repúblika, Francisco Gutrres ‘Lú Olo’ akompaña hosi nia kaben, Cidália Nobre Guterres, inklui entidade seluk hosi Prezidénsia Repúblika, presta omenajen ikus ba mate-isin Amu Bispu Dom Basílio do Nascimento, iha Igreja Katedrál Villa-verde, domingu (31/10). Imajen TATOLI/António Gonçalves

Prezidente Repúblika, Francisco Guterres ‘Lú Olo’, hato’o nia sentimentu triste tanba lakon líder boot Igreja Katólika no líder ba sosiedade tomak.

“Ita lakon líder boot ne’ebé durante ne’e sempre neon na’in nafatin ba nia povu, liuhosi luta naruk ida ne’ebé nia partisipa no sai bibi atan di’ak ba sarani Timor-Leste,” Xefe Estadu dehan iha Igreja Katedrál Villa-verde, domingu ne’e.

Notísia relevante: Preparasaun iha Baucau simu mate-isin Dom Basílio kuaze konklui

Mate-isin Amu Bispu Dom Basílio do Nascimento, iha Igreja Katedrál Villa-verde, domingu (31/10). Imajen TATOLI/António Gonçalves

Xefe Governu akompaña hosi nia oan hamutuk ho membru Governu sira to’o iha Igreja  Katedrál iha tuku 11:50 dadeer no no diretamente presta omenajen ikus ba mate-isin Amu Bispu, no ikus mai espresa sentimentu triste ba família matebian.  

“Hato’o sentidu triste ba família ein lutada, ba Dioseze Baucau no ba povu Timor-Leste, tanba Amu Bispu la’ós de’it líder uma-kreda, maibé mós nasaun nian,” Portavóz Governu no Ministru Prezidénsia Konsellu Ministru, Fidelis Manuel Leite Magalhães, hateten iha salaun São José Katedrál Villa-verde.

Primeiru-Ministru, Taur Matan Ruak, no membru Governu balun presta omenajen ikus ba mate-isin Amu Bispu Dom Basílio do Nascimento, iha Igreja Katedrál Villa-verde, domingu (31/10). Imajen TATOLI/António Gonçalves

Tuir planu, Primeiru-Ministru sei partisipa direitamente funebre Amu Bispu iha Baucau.

Enkuantu, kona-ba apoiu Governu ba funebre Amu Bispu Dom Basílio, halo ona koordenasaun ho parte igreja.

Seremónia presta omenajen ne’e partisipa mós hosi Prezidente Tribunál Rekursu ho nia komitiva, eis titulár, Institusaun FALINTIL-Forsa Defza Timor-Leste (F-FDTL) no Polísia Nasionál Timor-Leste (PNTL), korpu diplomátiku, veteranu, sarani sira no entidade hosi organizasaun oin-oin.

Prezidente Repúblika, Francisco Gutrres ‘Lú Olo’ akompaña hosi nia kaben, Cidália Nobre Guterres, inklui entidade seluk hosi Prezidénsia Repúblika, presta omenajen ikus ba mate-isin Amu Bispu Dom Basílio do Nascimento, iha Igreja Katedrál Villa-verde, domingu (31/10). Imajen TATOLI/António Gonçalves

Tuir ajenda ne’ebé fó sai hosi Konferénsia Episkopál Timorense (CET, sigla portugés), mate-isin Dom Basílio sei transporta bá Baucau iha segunda (01/11) no sarani parokia hamutuk 24 hosi Dioseze Baucau (Manatuto, Lautém, Viqueque no Baucau) halo omenajem ikus ba Saudozu Amu Bispu no sei realiza misa funebre iha oras 10:00 dadeer loron kuarta (04/11), ne’ebé tuir planu sei haloot iha resintu Igreja Katedrál Baucau.

Sarani sira presta omenajen ikus ba mate-isin Amu Bispu Dom Basílio do Nascimento, iha Igreja Katedrál Villa-verde, domingu (31/10). Imajen TATOLI/António Gonçalves

Bispu Dioseze Baucau, Dom Basílio do Nascimento, hakotu iis iha Hospital Nacional Guido Valadares (HNGV) iha oras 12:00 iha loron sábadu (20/10), ne’ebé antes ne’e transporta hosi munisípiu Covalima bá Dili ho aviaun, tanba atakasaun moras fuan.

Notísia relevante: Dom Basílio hakotu iis tanba enfrenta moras kardiovaskular

Amu Bispu moris iha loron 14 juñu tinan 1950 iha Suai no simu ordenasaun espiskopál nu’udar Bispu iha loron 06 janeiru 1997 hosi Papa João Paulo II no sai Nai-Lulik iha loron 25 juñu 1977.

Jornalista : Natalino Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here