DILI, 30 outubru 2021 (TATOLI) — Prezidente Repúblika, Francisco Guterres Lú Olo, hato’o sentida lutu profunda ba falesimentu Bispu Dioseze Baucau, Dom Basílio de Nascimento, ne’ebé sábadu ne’e iha tuku 12:00 hakotu ona iis.

“Lori Estadu Timor-Leste nia naran no ha’u-nia an rasik hato’o sentidu kondolénsia no dekansu ho pás ba Amu Dom Basílio de Nascimento. No ba Komferénsia Episkopal Timor-Leste, igreja kátolika, no família direta saudozu reverendísimu no ba kompatriota amigu hotu ne’ebé mak besik,” Prezidente Repúblika hato’o iha ninia mensajen, liuhosi nota imprensa ne’ebé Agência Tatoli asesu, sábadu ne’e.

Xefe Estadu hateten, Konferénsia Episkopál Timor-Leste lakon nia menbru ida no ita-nia nasaun lakon patriota ida ho formasaun intelektuál exelente.

“Ha’u hakru’uk ba memória ema igreja nian, ne’ebé iha momentu defísil iha perkursu ita-nia luta ba libertasaun nasionál, hatene halibur irmaun no irmã hotu-hotu, ho aten brani, luta ba ita-nia afirmasaun nu’udar povu no nasaun, iha frente armada, klandestina no dilomátika” Lú Olo hateten.

Nune’e, Prezidente Repúblika konsidera, merese temi ho espesiál ba Dom Basílio de Nascimento nia apoiu ne’ebé labele nega ba frente armada, liuhosi dalan klandestina.

Notísia relevante: Konferénsia Episkopál deside haloot Bispu Basílio iha Baucau

Jornalista       : Nelson de Sousa
Editór             : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here