Bispu Dioseze Baucau, Don Basílio do Nascimento

DILI, 30 outubru 2021 (TATOLI) — Bispu Dioseze Dili, Dom Virgílio do Carmo da Silva, fó-sai katak desizaun hosi Konferénsia Epispokál deside haloot Bispu Basílio do Nascimento iha loron 4 fulan-novembru iha Katedrál Baucau.

“Ami foti desizaun iha momentu ida-ne’e katak lori Amu Basílio nia isin-mate ba Igreja Katedrál, Vila-Verde no loron  4 novembru sei halo fúnebre iha Katedrál Baucau,” Dom Virgílio do Carmo da Silva, informa ba jornalista sira iha HNGV, sábadu ne’e.

Mate-isin sai hosi HNGV ba iha Igreja Katedrál hodi hala’o misa ne’ebé partisipa hosi sarani sira iha Dioseze Dili no iha loron 01 fulan-novembru sai hosi Dili ba Baucau.

Nune’e iha loron  1 fulan-novembu (segunda-feira) misa hotu sei viajen hosi Dili ba Baucau no iha loron 2 no 3 novembru loron  tomak rai iha matebian nia hela-fatin ka serbisu fatin hafoin halo serimónia funerál.

“Ida-ne’e mak Konferénsia Episkopál foti no rona mós padre husi Baucau ninia desizaun sai ida de’it entaun ida-ne’e mak ami fó hatene ba sarani sira atu reza ba Maromak fó grasa hotu no di’ak hotu ne’ebé mak ita simu husi Maromak liuhosi Dom Basílio durante tinan 25 iha Dioseze  Baucau no tinan tolu iha Dioseze Dili,” Dispu Dioseze ko’alia ho tristeza.

Dom Virgílio sente lakon belun di’ak

Arsebispu Metropolitana Dioseze Dili, Dom Virgílio do Carmo da Silva, sente triste ho Bispu Dioseze Baucau ne’ebé husik ona sarani Timor-Leste.

“Sente lakon rona Amu Basílio laiha ona. Horikalan meia noite Dom Norberto mesajen duni ba ha’u dehan Dom Basílio nian situasaun ladún di’ak problema  iha fuan, maske moras tensaun ne’ebé sira halo tratamentu iha ospitál suai no ohin ha’u selebra misa iha Fatumaca, mensajen tama dehan Amu Basílio laiha ona,” Dom Virgílio haktuir.

Notísia relevante: Dom Basílio husik hela preparasaun aniversáriu Dioseze Baucau ba dala-25

Jornalista         : Felicidade Ximenes/Natalino Costa/Antonia Maia

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here