Estudante Sekundária UNAMET Dili bainhira simu Vasina Pfizer, kinta 28/10/2021.Imajen Tatoli/António Gonçalves

DILI, 28, outubru   2021 (TATOLI)—Sala Situasaun, Sentru Integradu Jestaun Krize (CIGC, sigla Portugés) relata kazu óbitu ida, kazu detetadu pozitivu laiha, rekuperadu lima no kazu ativu 50.

“Kazu óbitu na’in-ida, feto, ho idade tinan 38, hela iha Dili no vasina kompletu, ne’ebé iha 24 outubru 2021, diagnóstikadu sindroma insufisiénsia respiratória aguda (SIRA) tanba COVID-19. Matebian sofre mós problema defisiénsia imunidade. Iha loron ne’e kedas hala’o tratamentU iha Lahane. Ohin dader madrugada 03:15 matebian i’is-kotu, tanba multiple organ failure,” Koordenadór Forsa-Tarefa ba Prevensaun Mitigasaun Surtu COVID-19 iha Timor-Leste, Rui Araújo, relata liuhosi nota ne’ebé Agéncia TATOLI asesu, kinta ne’e.

Daudaun, família mtaebian kolabora ona  ekipa profisonál saúde hodi hala’o funerál tuir protókolu saúde ne’ebé adopta iha Timor-Leste.

Nune’e, Hahú hosi 21 marsu 2022 to’o 28 outubru 2021, kumulativu kazu konfirmadu hamutuk 19.785 no óbitu 122.

Hosi horisehik mai ohin, Laboratóriu Nasionál Saúde hala’o teste PCR hamutuk 99, kompostu vijilánsia sentinela laiha, rastreiu ba kontaktu 10, rastreiu aleatóriu 87, viájen internasionál na’in-rua , follow up iha kuarentena laiha

Totál teste PCR ne’ebé halo iha loron 27 outubru iha munisípiu-sira seluk, Rejiaun Administrativu Espesiál Oé-cusse no Ambeno (RAEOA) no Hospitál Nasionál Guidu Valarades (HNGV) 178, kompostu Maubisse 12, Maliana 11, Viqueque nain-ida, Suai na’in-sia, Baucau 72, Ermera laiha RAEOA na’in-rua, HNGV 81, Lautém  haat, Vera Cruz  laiha.

Populasaun elijível tinan 18 ba leten ne’ebé simu ona vasina, to’o loron 28 outubru tuir sistema informasaun Saúde iha Ministériu Saúde, kumulativu 1ª doze iha Dili (81,7%) no totál kumulativu 2ª doze iha Dili (73,2%).

Enkuantu, Sidadaun ne’ebé simu ona vasina doze dahuluk iha Timor Leste 72,7% no simu ona doze daruak 47,4%.

Iha loron 28 outubru   2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-tolu, moderadu na’in-rua no kaman na’in-ida.

Notísia Relevante: COVID-19:  kazu pozitivu hitu no ativu 56

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here