Livru I kona-ba Panorama Orsamental. Imajen/ Espesial

LIQUIÇA, 27 outubru 2021 (TATOLI)– Parlamentu Nasional (PN) hahú hala’o semináriu Panaroma orsamental 2022, durante loron tolu hahú 27 to’o 29 outubru iha Tibar, munisípiu Liquiça.

Objetivu seminariu ne’e atu rona opiniaun no hanoin kona-ba proposta Orsmentu Jerál Estadu hosi Deputadu-sira, Governu no parseiru internasionál, hafoin lori ba Parlamentu Nasionál hodi debate no aprova.

Biban ne’e, Prezidente Parlamentu Nasionál (PPN), Deputadu Aniceto Longuinhos Guterres Lopes, hateten, Estadu tomak hasoru situasaun ne’ebé la fasil atu rezolve, maibé posivel atu muda, baihira hotu-hotu iha vontade morál polítika, kompromisu, dedikasaun no responsbilidade.

Orsamentu Jerál Estadu nuudar instrumentu polítiku estratéjiku ne’ebé determinante ba kontinuidade dezenvolvimentu, funsionamentu Estad atu reforsa Estadu fó solusaun ba dezafiu sira ne’ebé povu hasoru no fomenta vida sosiál, polítika, ekonómiku, estabilidade no pás.

“Ita haree Orsamentu Jerál Estadu nuudar mós kontribuisaun ba harii justisa, pás no estabilidade hodi lori Timor-Leste ba atinje meta no objetivu estratéjiku no dezenvolvimentu nasionál,” Prezidente Parlamentu Nasionál ne’e, hateten, bainhira halo abertura semináriu panaroma orsamentál 2022

Tuir nian, proposta lei Orsamentu Jeral Estadu (OJE) 2022 hamutuk bilaun $1,675, montante ne’e hetan redusaun 17,5% kompara ho alokasaun orsamentu 2021 biliaun $2,1.

Hosi totál orsamentu 2022 ne’e, millaun $233 ba saláriu no vensimnetu, millaun $449,98 ba bens servisu, millaun $565,9 ba tranfénsia públika, millaun $24,4 koresponde ba kapitál menór no millaun $401,7 ba kapitál dezenvolvimentu.

Polítika Governu ho baze PED 

Timor-Leste ninia Planu Estratéjiku Dezenvolvimentu Nasionál (PEDN) 2011-2030 hatuur pilár importante haat, hanesan  enkuadramentu Institusionál, Kapitál Sosiál, Dezenvolvimentu Ekonómiku no Dezenvolvimentu Infraestrutura.

Ho baze ne’e, VIII Governu Konstitusionál define planu periodade iha área nesesária neen, hanesan desenvolvimentu  Kapitál Umanu (Educação, Formação no Saúde), abitasaun  no Inklusaun Sosiál , Setór sira produtivu (Agricultura no Turizmu), Ambiente no  Conetividade, dezenvolvimentu  Setór Privado no  Dezenvolvimentu Rurál  no no Governasaun di’ak.

Iha proposta OJE 2022 prevee orsamentu ba prioridade neen  ho orsamentu billaun $1,226,736,280 ekivalente ho 73,2%, hanesan, Kapitál dezenvolvimentu (edukasaun,formasaun profisionál no saúde)  millaun $226,513,224 ne’ebé ekivalente 13,5%, Abitasaun no inklusaun sosiál, millaun $387, 295, 315 ho 23.1%, millaun $345,931,170 ho 20.7% ba Setór Produtivu sira (Agrikultura no Turizmu), Ambiente no Konektividade, millaun $78,563,312 ho 4.7% ba dezenvolvimentu setór privadu, millaun $72,156,425 ho 4.3%, dezenvolvimentu rurál  no Kooperativa, millaun $116,276,834 ho 6.93%.

Enkuantu, ba prioridade seluk iha OJE 2022 prevee orsamentu millaun $448,263,720 ne’ebé ekivalente 26.8%.

OJE 2022 sei finánsia programa hamutuk 45 hosi prioridade nasionál neen ho objetivu atu atinje dezenvolvimentu ida ne’ebé kualidade ho kresimentu ekonómiku ne’ebé inkluzivu no sustentavel.

Kapitál dezenvolvimentu sosiál (edukasaun, formasaun profisionál no saúde) 

Iha kapital sosiál ne’e, fahe ba programa hitu, hanesan, formasaun profisionál ho orsamentu $1,027,800, treinamentu tékniku $3,567,543, bolsa estudu $6,533,064, tipu seluk formasaun $871,593, área saúde $106,781969, dezenvolvimentu reforsa Zona Espesiál Ekonómiku Sosiál Merkadu (ZEESM) $1,860,000 no edukasaun formal $105,871,255.

Kapitál Abitasaun no inklusaun Sosiál

Kapitál ne’e ho nia programa importante neen, hanesan, kontinjénsia $29,500,000,  Agua no Saneamentu $29,697,017, eletrisidade $101,730,383, dezenvolvimentu reforsa ZEESM $6,904,313, manutensaun reabilitasaun resposta ba estrutura danifikada kalamidade hamutuk $15,678,710 no igualdade jeneru no inkluzaun $203,784,892.

Kapitál Setór Produtivu (Agrikultura no Turizmu), ambiente no konetividade

Iha kapitál ne’e ho programa 10 hanesan, telekomunikasaun, $20,125, 664, estrada no ponte sira $202, 191,290, transporte $5,501, 492, agrikultura $44,313,264, Aeroportu $40,141, 002, dezenvolvimentu reforsu ba ZEESM $22,914,028, Portu $3,013,283, manutensaun no reabilitasaun ba estrutura ba kalamidade ho orsamentu hamutuk $1,850,497, protesaun konservasaun ba ambiente ho $1,304,696 no turizmu ho nia orsamentu hamutuk $4,575,954.

 Dezenvolvimentu Setór Privadu

Dezenvolvimentu setór privadu ho programa rua, hanesan, dezenvolvimentu reforsa ZEESM ho h$400,000 no investimentu diversifikasaun ekonómiku $78,563,312.

Dezenvolvimentu rurál no kooperativa

Dezenvolvimentu rurál no kooperativa ho nia programa haat, hanesan, desentralizasaun administrativa no poder lokál $24,201,199, dezenvolvimentu rurál no urbana $37,329,261, dezenvolvimentu reforsa ZEESM $7,682,500 no ordenamentu territóriu $2,943,465.

Kapitál Boa Governasaun

Iha programa ualu, hanesan, direitu umanu boa Governasaun $193,024, aprosima serbisu tribunál no populasaun $ 9,214, 825, jestaun finansa públika ho nia orsamentu hamutuk $45,997,258, reforma estadu $901,560 no asesu ba justisa $13,796,246.

Alende ne’e, garantia liberdade espresaun no asesu ba informasaun $7,544,999, boa governasaun no jestaun institusionál $38,165,562 no dezenvolvimentu reforsa ZEESM $463,360.

Medida foun iha OJE 2022

Medida foun ne’ebé introdus iha  proposta OJE 2022, hanesan subsídiu Ai-han ba funsionáriu públiku ho orsamentu alokadu millaun $25, fundu resposta emerjénsia hasoru dezastre naturál millaun $15, fundu investimentu hodi estabelese munisípiu foun Ataúro millaun $13, bolsa da Mãe jerasaun millaun $13, ne’ebé montante la inklui millaun $6,4 hosi Governu Austrália liuhosi apoiu orsamentu diretu Eleisaun Prezidensiál 2022 millaun $12.

Nune’e mós, dezenvolvimentu empreza mediu no ki’ik millaun $5, akizisaun veíkulu no ekipamentu ba Bombeiru hodi responde ba dezastre ho orsamentu alokadu millaun $3,9, sensu populasaun millaun $3,1, estabelesimentu sistema ID Úniku millaun $3 no saláriu ba rekrutamentu foun F-FDTL millaun $1,2.

Antes ne’e, OJE 2021 ne’ebé Parlamentu Nasionál aprova no Prezidente Repúblika promulga hamutuk billaun $1,895 kompostu hosi saláriu no vensimnetu miilaun $239,26, bens no servisu milaun $421,49, transferénsia públika millaun $669,91, kapitál menór millaun $61,14 no kapitál dezenvolvimentu millaun $503,20 ne’ebé iha marsu 2021, Governu aprezenta Proposta Orsamentu Retifikativu ho montante millaun $223, nune’e sai biliaun $2,1.

Hosi montante orsamentu millaun $223 ne’e foti hosi fundu infraestrutura millaun $60 no restu halo ajustamentu ba orsamentu 2021 ne’ebé aprovadu no promulgadu.

OJE 2020 ho montante billiaun $1,497, gahe ba kategoria saláriu no vensimnetu millaun $206,8, bens servisu millaun $496,7, transferénsia públika millaun $571,1, kapitál menór millaun $8,9, kapitál dezenvolvimentu millaun $213,4.

Ho aporvasaun orsamentu 2020, Governu hakotu rejime duodesimál ne’ebé Governu hahú funsiona iha janeiru to’o outubru 2020 no orsmaentu normal sei efetivu iha novembru no dezembru.

Notísia Relevante: Governu submete Proposta Lei OJE 2022 biliaun $1,675 ba PN

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here