Tanente Jenerál Lere Anan Timur. Imajen TATOLI/Egas Cristovão.

COVALIMA, 27 outrubru 2021 (Tatoli)—Iha serimónia ne’e, Xefe Estadu Maior F-FDTL, Terente Jenerál Lere Anan Timor, husu ba líder sira tenke hamutuk nune’e ema seluk labele aproveita oportunidade.

Notísia Relevante: PM Taur partisipa serimónia rituál perfurasaun mina-matan iha Covalima

“Primeiru-Ministru Taur Matan Ruak, Prezidente Repúblika Francisco Guterres Lú Olo, ami-nia hakarak ita tenke hamutuk, ita la hamutuk ema seluk aproveita oportunidade,” Terente Jenerál  Lere Anan Timur hateten liuhosi nia diskursu iha serimónia rituál ba perfurasaun mina-matan iha Covalima, iha Monumentu Setembru Negro 1999, tersa ne’e. 

Nia parte informa ona ba Prezidente Repúblika Francisco Guterres Lú-Olo no Primeiru-Ministru Taur Matan Ruak foti deizaun sei kumpre tanba Timor nia distinu iha sira na’in-rua nia liman tanba desizaun ne’ebè maka foti desizaun ne’ebè mak uluk kompromisu iha ai-laran 

“Ha’u fiar Xefe Estadu ho Xefe Governu atu tau sala presu mina, tanba mina sei la benefísia ema ida de’it maibé benefísia timor-oan tomak aban bainrua jerasaun tuir mai, ha’u dúvida. Ohin loron ita haree iha Governu ne’ebè de’it funsionáriu barak liu. Ha’u fiar ita tane ita-nia matebian sira sei tulun ita nafatin. Buat ne’ebè ita hakarak no mehi sei to’o,” nia dehan. 

Tanba ne’e, nia husu ba veteranu iha Covalima, Primeiru-Ministru Taur Matan Ruak, Xefe Estadu, líder nasionál Xanana Gusmão, Ramos Horta ho Mari Alkatiri tenke hamutuk.

Prezidente Konsellu Kombatente Libertasaun Nasional, Vidal de Jesus ‘Riak Leman’ husu ba Veteranu sira tenke koopera ho Estadu no kompañia Timor Resources atu halo perfurasaun mina iha rai maran. 

“Esforsu hosi Veteranu Austrália no Timor mak konsege halo akordu ho kompañia atu halo perfurasaun mina ne’ebè iha momentu VI Governu konstituisionál Kay Rala Xanana Gusmão hanesan ministru la konsege halo no ohin VIII konstitusionál bele konkretiza,” nia dehan.

Jornalista : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here