Pesoál médiku iha Sentru Saúde Comoro, kontinua halo atendementu ba komunidade ne’ebé ba simu vasina AstraZeneca, Segunda 25/10/2021.Iamjen Tatoli/António Gonçalves

DILI, 26 outubru 2021 (TATOLI)- Sala Situasaun, Sentru Integradu Jesatun Krize (SIJK) relata kazu detaadu foun na’in-haat, rekuperadu haat no ativu 52.   

“Kazu detetadu foun, ohin, na’in-haat, hosi Dili haat munisípiu seluk laiha, kompostu hosi mane na’in-tolu no feto ida,” Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS), Rui Maria de Araújo, relata liuhosi nota ne’ebé Agência TATOLI  asesu,tersa ne’e.

Notísia Relevante: Populasaun Timor-Leste simu ona vasina kompletu 46%

Hosi totál kazu detetadu foun ohin, idade tinan 20 na’in-rua (50%),  idade entre tinan 12-59 nain-rua (50%), idade 60 laiha. Hosi totál kazu detetadu foun  na’in-rua 50%  hatudu sintoma.

Nune’e, Hahú hosi  21 marsu 2020 to’o 26 outubru, kazu konfirmadu kumulativu 19.778, kumulativu rekuperadu 19.605 no kumulativu óbitu 121.

Hosi horiseik mai ohin, Laboratóriu Nasionál Saúde halo teste PCR  143, kompostu hosi vijilánsia sentinela laiha rastreiu ba kontaktu laiha, rastreiu aleatóriu na’in-79, viajen internasionál 60 no follow up iha kuarentena na’in-haat.

Total teste PCR ne’ebé halo horiseik, iha  25 outubru, iha Munisipiu sira seluk , Rejiaun Administrativu Espesiál Oé-Cusse no Ambeno (REAOA) no Hospitál Nasionál Guido Valadares (HNGV) hamutuk 156, kompostu Baucau 51, Ermera laiha, Maliana na’in 12, Maubisse na’in-rua, RAEOA na’in-rua, Suai 12,  Viqueque na’in-tolu, Lautém laiha, HNGV 74 no Vera Cruz laiha.

Populasaun elijível tinan 18 ba leten, ne’ebé simu ona vasina to’o 26 outubru tuir sistema informasaun Saúde iha Ministériu Saúde totál kumulativu 1ª doze iha Dili (81,1%) no totál kumulativu 2ª doze iha Dili (72,7%).

Enkuantu, ema ne’ebé simu ona vasina doze dahuluk iha Timor Leste (71,5%) no simu ona doze daruak (46,5%).

Iha  26 outubru 2021, izolamentu Vera-Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na’in-lima, kompostu hosi kazu grave nain-ida ne’ebé uza oksijéniu), moderadu na’in-tolu no kmaan na’in-ida.

Notísia Relevante: COVID-19:  pozitivu foun haat, rekuperadu 15 no ativu 52

Jornalista :  Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here