Pesoál médiku sira iha Centru Saúde Comoro, kontinua halo atendementu ba komunidade ne’ebé ba simu Vasina AstraZeneca, Segunda 25/10/2021.Iamjen Tatoli/António Gonçalves

DILI, 25 outubru   2021 (TATOLI)—Sala Situasaun, Sentru Integradu Jestaun Krize (CIGC, sigla Portugés) relata kazu detetadu foun na’in-haat, rekuperadu 15 no ativu 52.

“Kazu foun ohin iha 10, hosi Dili tolu no munisípiu seluk ida kompostu hosi mane ida to’o feto tolu,” Koordenadór Forsa-Tarefa ba Prevensaun no Mitigasaun, Rui Maria de Araújo, relata liuhosi nota ne’ebé Agência TATOLI asesu, segunda ne’e.

Hosi totál kazu detetadu foun ho idade 20 laiha, idade entre tinan 12-59 na’in-haat (100%), idade 60 laiha. Hosi kazu detetadu foun ne’e na’in-rua hatudu sintoma 50%.

Nune’e, hahú hosi 21 marsu 2020 to’o 25 outubru 2021, Kumulativu kazu konfirmadu 19.774 no kumulativu óbitu hamutuk 121.

Hosi horisehik mai ohin, Laboratóriu Nasionál Saúde halo teste PCR hamutuk 41, kompostu vijilánsia sentinela laiha, rastreiu ba kontaktu laiha, rastreiu aleatóriu nain-hitu, viájen internasionál laiha, follow up iha kuarentena na’in-28.

Totál teste PCR ne’ebé halo iha loron 24 outubru iha munisípiu-sira seluk, RAEOA no HNGV hamutuk 171, kompostu Maubisse ualu, Maliana lima, Viqueque ualu, Suai rua, Baucau 18, Ermera laiha, RAEOA lima, HNGV 54, Lautém haat, Vera Cruz haat.

Populasaun elijível tinan 18 ba leten, ne’ebé simu ona vasina to’o 25 outubru tuir sistema informasaun Saúde iha Ministériu Saúde totál kumulativu 1ª doze iha Dili (80,9%) no totál kumulativu 2ª doze iha Dili (72,5%).

Enkuantu, ema ne’ebé simu ona vasina doze dahuluk iha Timor Leste (70,9%) no simu ona doze daruak (46,0%).

Hosi insidénsia COVID-19 iha Timor-Leste, durante loron hitu ikus maka 0,5/100 mil abitante, enkuantu ba de’it munisípiu Dili 1,7/100 mil abitante.

Iha loron 25 outubru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in lima, kompostu kazu grave na’in-ida no na’in-ida uza oksijéniu, moderadu ema na’in tolu inklui kaman ema na’in-ida.

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here