Starting line up hosi selesaun nasionál Timor-Leste U23. imajen/espesiál.

DILI, 26 outubru 2021 (TATOLI)— Estádiu Venue Jalan Besar Singapura maka sei sasin dala-ida tan ba Jogadór selesaun Nasionál Timor-Leste U23 hodi kontra ekipa Korea Súl, iha kinta (28/10), tuku 18:00, otl.

Iha segunda ne’e,  Ekipa Lafaek liuhosi jogadór Paulo Gally (21) ne’ebé halai iha liña oin konsege marka golu rua hodi halo empate 2-2 hasoru nia adversáriu Singapura hanesan  uma-nain  ba jogu kualifikasaun AFC  U23 ASIAN CUP 2022 .

Jogadór Paulo Gally mós hetan kartaun mean iha jogu entre ekipa Timor-Leste U23 hasoru Singapura, bainhira selebra golu.

Iha kualifikasaun AFC CUP U23 2022, Selesaun Nasionál Timor-Leste junta iha grupu H, kompostu hosi selesaun nasionál U23 hosi nasaun Korea Súl, Singapura (empate 2-2 ho Timor-Leste) no Filipina.

Tuir oráriu iha loron kinta (28/10), ekipa Timor-Leste joga daruak kontra Korea Súl no ba datoluk sei kontra Filipina iha loron 31 outubru.

Preparasaun Ekipa Lafaek U23 iha kualifikasaun AFC CUP

Timor-Leste sei hasoru ekipa ne’ebé jigante iha Ázia liuliu Korea Súl, maibé istória hatudu ona ba Timor-Leste iha 21 jullu 2017 iha Estádiu ho Chin Minh Korea ba “Kualifikasaun piala Ázia” rezultadu empate 0-0.

Tanba ne’e, Treinadór Prinsipál U-23, Fabio Maçado, hateten, ekipa halo preparasaun ho tempu ne’ebé naruk ne’ebé fiar katak sei hatudu rezultadu di’ak.

“Ha’u prepera jogadór-sira iha tempu naruk, fiar katak sei hatudu rezultadu dia’k, maski nasaun sira ne’ebé hasoru makas hotu, maibé labele tauk uluk dehan-sira makas  tanba jogu mak sei termina,” treinadór ne’e afirma.

Entretantu, Sekretáriu Jerál Federasaun Futeból Timor-Leste, Nelio Isaac Sarmento, hatetem Timor-Leste sei hatudu jogu di’ak iha Asian CUP 2022.

“Hasoru Ffilipina ho singapura buat bainbain tanba ita bele manán ona sira iha jogu saida de’it, susra uotiaun mak Korea Súl, maibé instória hatudu ona, ne’ebé orientasaun ami nia ba treinadór no jogadór tenke séiu hodi hatudu jogu ne’ebé di’ak,” Nelio Isaac Sarmentu hateten, antes ekipa Lafaek dezloka ba Singapura.

Nune’e, FFTL mehi ekipa Timor-Leste bele sai ekipa runer up iha grupu H.

Rezultadu Sorteiu kualifikasaun Copa AFC 2022

Grupu A: Suriah, Qatar, Yaman, Sri Lanka

Grupu B: Iran, Tajikistan, Lebanon, Nepal

Grupu C: Irak, Bahrain, Afghanistan, Maladewa

Grup D: Arab Saudi, Bangladesh, Kuwait, Uzbekistan

Grupu E: Uni Emirat Arab, Oman, India, Kirgistan

Grupu F: Jordania, Palestina, Turkmenistan

Grupu G: Austrália, Indonezia, Cina (la partisipa), Brunei (la partisipa)

Grupu H: Korea Súl, Singapura, Timor-Leste, Filipina

Grupu I: Vietname, Myanmar, Xina Taipei

Grupu J: Thailand, Malazia , Laos, Mongolia

Grupu K: Hong Kong, Jepang, Kamboja, Korea Utara (la partisipa).

Notisia Relevante: Kualifikasaun AFC CUP, Timor-Leste empate ho Singapura 2-2

Jornalista         : Hortencio Sanchez

Editór               : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here