Rezultadu eskore ekipa U-23 Timor-Leste no Singapura 2-2. Imajen/ Espesial

DILI, 25 outubru 2021 (TATOLI)– Ekipa Lafaek U-23 obrigadu tenke fahe pontu hanesan ho ekipa uma-nain Singapura, hafoin empate 2-2,  iha jogu play of piala Asian Football Confederation (AFC) 2022 ne’ebé hala’o iha Estádiu Singapura, segunda kalan.

Ho rezultadu ne’e, ekipa rua tenke servisu makas kontra Filipina no Korea Súl atu manan, hodi ultrapasa ba jogu faze tuir mai.

Iha minutu primeiru hahú ekipa rua tenke lansa kontra no atake ba malu tuir tékniku no abilidade ida-idak nian.

Iha jogu ne’e, ekipa uma-nain halo jogu ho ofensivu no domina bola halo Timor-Leste ladun hetan bola ho sutu barak mak ekipa Singapura lansa, laiha ida mak kona iha alvu.

Maski nune’e, ekipa Lafaek joga ho kalma la ansi halo golu bainhira seidauk kona iha alvu.

Iha minutu 33, kantu monu ba Singapura dala tolu tuituir malu, iha kantu primeiru no segundu bola barullu makas iha liña  oin Timor-Leste,  la akontese golu tanba jogadór Timor-Leste tenta hasai bola.

Iha kantu ba datoluk,minutu 34 obrigadu tenke golu duni tanba bola barullu makas halo jogadór Timor-Leste nian ladun konsentra di’ak fó kedan oportunidade ba jogadór Singapura Junito Antonio Soares (17) fura uluk rede Timor-Leste hodi muda rezultadu ba 1-0.

Haree ba jogu la’o iha ambitu emosional, la fó presaun ba esperansa jogadór Timor -Leste nian hodi mantein iha sira nia pozisaun hodi mantein jogu ho kalma.

Starting Line up hosi ekipa Lafaek U-23. Imajen/ espesiál

Esperansa ne’ebé Jogadór timoroan-sira iha kampu kuadradu Singapura ne’e, la hela de’it hanesan esperansa tanba, iha minutu 40, mosu kantu ida ba ekipa Timor-Leste ne’ebé suta hosi jogadór Paulo Gally (21), halo bola barullu iha lina Singapura nia oin no bola halai kona kedan ba jogadór Elias Mesquita (7) nia ain tama liu ba rede Singapura muda eskore ba 1-1.

Golu ne’e, halo ekipa uma-nain nia mentalidade komesa monu, maibé jogu ba ekipa rua ne’e kontinua la’o ho bonito.

Ekipa Lafaek ho forsa ne’ebé makas, nune’e sorte iha minutu 42, jogadór Elias Mesquita hetan bola fó kedan ba Paulo Gally konsege fura tan rede Singapura nian nian dudu rezultadu ba 2-1.

Hafoin hatama golu iha selebrasaun Golu halo erru obrigadu Gally tenke simu konsekuensia todan ba nia no ba ekipa Timor-Leste hodi hetan kartaun mean ne’ebé fó hosi árbitru, nune’e ekipa Timor-Leste hela de’it jogadór 10 mak iha kampu laran.

To’o minutu primeira parte termina laiha tan golu ruma mak akontese ba ekipa rua Timor-Leste provizóriu lidera jogu ho eskore 2-1.

Hakur ba segunda parte, ekipa rau nafatin hatudu jogu ne’ebé ho presaun makas ba malu, maibé Singapura domina bola hodi halo jogu meiu kampu, laiha golu ruma.

Hafoin iha minutu 90 árbitru aumenta minutu adisionál minutu lima atu ramata ona jogadór Singapura Jordan ho numeru kamizola 3 hetan bola hodi les rede Timor-Leste nian muda rezultadu ba 2-2 iha minutu 90+6, to’o minutu termina ekipa rua tenke empate hodi hein jogu seluk tuir mai.

Iha jogu ne’ebe ekipa Korea Súl manan Filipina 3-0 iha jogu faze grupu H nian.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here