Pesoál médiku sira kontinua halo atendementu ba komunidade sira ne’ebé ba simu vasina AstraZeneca iha Centru Saóde Formosa, kuarta 20/10/2021.Imajen Tatoli/Antonio Goncalves

DILI, 22 outubru 2021 (TATOLI)— Sala Situasaun, Sentru Integradu Jestaun Krize (CIGC,sigla Portugés) relata kazu detatadu pozitivu foun na’in-10, rekuperadu 16 no  kazu ativu 67.

”Kazu foun ohin iha 10, hosi Dili na’in-ualu munisípiu seluk na’in rua, kompostu mane rua no feto ualu,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, sesta ne’e.

Nune’e, hahú 21 marsu to’o 2020 to’o 22 outubru 2021, rejista kumulativu kazu konfirmadu hamutuk 19.759, kumulativu rekuperadu 19.572 no kumulativu óbitu na’in-120.

Hosi totál kazu detetadu foun kompostu ho idade 20 na’in-rua (20%), idade entre tinan 12 to’o 59 na’in-hitu (70%), idade 60 na’in-ida. Hosi kazu detetadu foun na’in-hitu 70% hatudu sintoma.

Hosi horisehik mai ohin, Laboratóiu Nasionál Saúde halo teste PCR na’in-39, kompostu, vijilánsia sentinela ualu, rastreiu ba kontaktu laiha, rastreiu aleatóriu na’in-19, viájen internasionál ualu, follow up iha kuarentena na’in haat.

Totál teste PCR iha loron 21 outubru, iha munisípiu-sira seluk, RAEOA no HNGV hamutuk 171, kompostu, Maubisse ualu, Maliana hitu, Viqueque lima, Suai 13, Baucau 48, Ermera ida, RAEOA tolu, HNGV 80, Lautém laiha, Vera Cruz na’in-haat.

Totál populasaun elijível tinan 18 ba leten, ne’ebé simu ona vasina iha loron 22 outubru tuir sistema informasaun Saúde iha Ministériu Saúde ho kumulativu 1ª doze iha Dili (80,6%) no totál kumulativu 2ª doze iha Dili (72,2%).

“Ema ne’ebé simu ona vasina doze dahuluk iha Timor Leste (70,1%) no simu ona doze daruak (45,5%),” Rui Araújo informa.

Hosi insidénsia COVID-19 iha Timor-Leste, durante loron hitu ikus maka 0,6/100 mil abitante, enkuantu ba deit munisípiu Dili 1,6/100 mil abitante.

Iha loron 22 outubru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-ualu, hanesan kazu grave na’in-rua, kompostu na’in-ida uza ventiladór no ida uza oksijéniu no moderadu na’in- haat no kaman na’in-rua.

Notísia relevante: COVID-19: pozitivu foun tolu no rekuperadu 16

Jornalista       : Felicidade Ximenes

Editór             : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here