Pesoál saúde sira kontinua halo atendementu ba komunidade ne’ebé ba simu Vasina AstraZeneca iha Sentru Saúde Formosa, kuarta (20/10/2021). Imajen Tatoli/Antonio Gonçalves.

DILI, 21 outubru 2021 (TATOLI)— Sala Situasaun, Sentru Integradu Jestaun Krize (CIGC,sigla Portugés), relata kazu detetadu foun tolu, rekuperadu 16 no  ativu 73.

”Kazu foun ohin iha tolu, hosi Dili rua, munisípiu seluk ida, kompostu hosi mane ida no feto rua,” Koordenadór Forsa-Tarefa ba Prevensaun no Mitigasaun, Rui Maria de Araújo, relata liuhosi nota imprensa ne’ebé Agência TATOLI asesu, kinta ne’e.

Hosi totál kazu detetadu foun ne’e, ema ho idade 20 laiha, idade entre tinan 12-59 na’in-tolu (100%), idade 60 laiha. Hosi kazu detetadu na’in-rua 66,6% sintomatiku ka hatudu sintoma.

Nune’e, hahú 21 marsu 2020 to’o 21 outubru 2021, kumulativu kazu konfrimadu 19.749, kumulativu rekuperadu 19.556 no kumulativu óbitu 120.

Hosi horisehik mai ohin, Laboratóriu Nasionál Saúde halo teste PCR hamutuk 175, kompsotu vijilánsia sentinela laiha, rastreiu ba kontaktu laiha, rastreiu aleatóriu nain-19, viájen internasionál 149, follow up iha kuarentena na’in-hitu.

Totál teste PCR ne’ebé halo iha loron 20 outubru iha munisípiu-sira seluk, Rejiaun Administrativa Espesiál Oé-Cusse no Ambeno (REOA) no Hospitál Nasionál Guido Valarades (HNGV) hamutuk 143, kompostu Maubisse 12, Maliana sia, Viqueque ida, Suai 10, Baucau 38, Ermera rua, RAEOA neen, HNGV 65, Lautém laiha no Vera Cruz laiha.

Populasaun elijível tinan 18 ba leten ne’ebé simu ona vasina loron 21 outubru tuir sistema informasaun Saúde iha Ministériu Saúde, totál kumulativu 1ª doze iha Dili (80,5%) no totál kumulativu 2ª doze iha Dili (72,0%).

Entretantu, ema ne’ebé simu ona vasina doze dahuluk iha Timor Leste (69,6%) no simu ona doze daruak (45,0%).

Hosi insidénsia COVID-19 iha Timor-Leste, durante loron hitu ikus maka 0,6/100 mil abitante, enkuantu ba de’it munisípiu Dili 1,1/100 mil abitante.

Alende ne’e, Iha loron 21 outubru, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-ualu, kompsotu kazu grave na’in-rua maka ida uza ventiladór no ida uza oksíjeniu, moderadu na’in- haat no kaman na’in-rua.

Notísia relevante: COVID-19: kazu detetadu foun 16 no ativu 86

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here