Konselleru Klube Boxe El-Matador, Juvinal Dias, hamutuk ho ekipa halo konférensia impresa, iha resintu SEJD, kinta (21/10). Imajen/ Hortencio Sanchez

DILI, 21 outubru 2021 (TATOLI)– El-Matador Boxing hanesan Klube boxing ida lokaliza iha kapitál Dili halo inisativa realiza eventu “Mini Tournament Boxe” ne’ebé hala’o iha kinta (21/10), tuku 9:00, kalan ne’e, to’o domingu (23/10).

“Mini tournament Boxe ne’e sei partisipa hosi klube 12 no Boxista na’in 50.  Ami hala’o atividade ne’e ho fundu hamutuk $2.000-resin, Nune’e klube boxista ne’ebé partisipa no sai vensedór iha eventu sei hetan apresiasaun tanba laiha buat boot ne’ebé komisaun sei fó” Konselleru Klube Boxe El-Matador, Juvinal Dias, hateten, liuhosi konferensia imprensa iha resintu SEJD.

Atividade ne’e sei hala’o iha resintu Sekretáriu Estadu Juventude no Desportu (SEJD), Lecidere, Dili, hodi promove talent boxista Timoroan sira-nianhodi prepera aan ba futuru

Ho eventu ne’e, Konselleru Juvinál espera bele fanun entidade-sira liuliu Governu halo investimentu ba boxe ho hanoin ida boxe sai modalidade ida importante liu iha Timor -Leste.

“Eventu ne’e meiu ida hodi hasa’e abiliadade no kapasita liután boxista atu hatudu performe ne’ebé di’ak bainhira reprezenta Timor-Leste iha eventu nasionál no internasionál,” Juvinál Dias akresenta.

Atu realiza eventu ne’e, El-Matador konsege hatama proposta ba Governu liuhosi SEJD hodi husu apoiu finaseiru, maibé la konsege apoia no oferese de’it fatin, Empreza Estatál Timor GAP apoiu osan $1.000, Timor-Telekom apoia kartaun kreditu $500 no empreza balun apoiu hahan, bee no seluk tan.

“Maski la hetan apoiu osan hosi Governu, maibé la hamate vontade El-Matadór nian atu realiza eventu ne’e tanba ho misaun atu fó oportunidade no promove joven sira ne’ebé iha talentu ba Boxe,” nia hatutan.

Nune’e mós El-Matador hala’o kordenasaun di’ak tebes ho Federasaun Boxe Amadora Timor – Leste (FBATL) no hetan autorizaun hodi realiza eventu ne’e.

El-Matadór Boxing nu’udar klube boxe ne’ebé eziste iha Timor-Leste hahú iha 2019 ho vizaun maka atu promove boxista Timoroan sira hodi sai atleta ne’ebé foti boxe hanesan sira-nia karreira serbisu no la’ós sai de’it desportu ida. 

Notísia Relevante: El-Matador realiza eventu “Fight Night”

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here