Imajen/Geoogle

DILI, 19 outubru 2021 (TATOLI)– Ekipa Mushila FC manán adversáriu B’TAL FC ho rezultadu 3-0, iha jornada 16 Pra Liga Futsal Timor -Leste ne’ebé hala’o iha kampu futsal FALINTIL-Forsa Defeza Timor-Leste (F-FDTL), Fatuhada-Dili, tersa kalan ne’e.

Hanesan baibain jogu primeira parte hahú ekipa rua hatudu ritmu jogu ho tékniku no abilidade iha kampu laran hodi hetan vitória.

Hafoin jogu la’o to’o minutu haat jogadór Mushila Eufrasio Soares lansa ona golu primeiru hodi hatuur rezultadu ba 1-0.

Ho golu ne’e, jogu sai manas liután iha kampu kuadradu nia laran, maibé B’TAL laiha forsa atu hasoru Mushila. Tanba jogadór Mushila hatudu jogu unidu, nune’e iha minutu 10, jogadór João de Sousa lansa tan golu ida hodi muda skore 2-0.  Hosi golu sai ikus iha primeira parte.

Dolar ba segunda parte ekipa rua hahú lansa kontra no atake, maibé jogadór ekipa rua mantein iha sira nia pozisaun hodi salva bola.

Maibé, Mushila iha sorte boot duni, nune’e iha minutu ikus atu termina jogu, jogadór Zezinho Martins lansa tan golu ikus hodi hametin rezultadu ba 3-0 no to’o jogu termina laiha tan golu ruma mak akontese.

Notísia relevante: M-VDL Lahane “dere” Boa Sorte 3-2

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here