Imajen/geoogle

DILI, 19 outubru 2021 (TATOLI)– Ekipa M-VDL Lahane susesu iha jornada da-16 hodi halakon adversáriu Boa Sorte FC ho rezultadu 3-2, iha jogu kontinuasaun Pra Liga Futsal Timor-Leste ne’ebé hala’o iha kampu futsal FALINTIL-Forsa Defeza Timor-Leste (F-FDTL)- Fatuhada.

Iha jogu hahú ekipa rua lansa kontra no atake tuir tékniku kada klubu, hafoin jogu primeira parte iha minutu rua, jogadór Boa Sorte, Julianto Soares lansa uluk golu dahuluk hodi  muda rezultadu 1-0.

Ho golu ne’e, ekipa M-VDL kontinua hasa’e nia ritmu jogu hasoru ekipa Boa Sorte iha, nune’e iha minutu sia, jogadór Boa Sorte, Julianto Soares, ajuda oferese golu ida ba M-VDL tanba ho tékniku ne’ebé falla hatama golu ba nia ekipa rasik, hodi muda skore ba 1-1.

Golu ne’e fó oportunidade di’ak tebes ba ekipa VDL, tanba iha minutu 18 jogadór VDL Milenio Magno lansa tan golu ida hodi hatuur rezultadu 2-1.

Nune’e, iha tan minutu 26, jogadór VDL, Jermeas Baptista lansa tan golu datoluk hodi rezultadu golu ba 3-1.

Iha minutu ikus, jogu segundu parte, ekipa Boa Sorte konsege hatudu nia tékniku no abilidade hodi domina bola, nune’e iha minutu 32, jogadór Salvador Saldanha responde golu ida hodi muda rezultadu ba 3-2.  Ho rezultadu ne’e mantein to’o minutu segunda parte termina no vitória hela ba M-VDL Lahane.

Notísia relevante: Pra Liga Futsal, Jerman manan “mihis” Boavista

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here