Imagem google

DILI, 28 setembru 2021 (TATOLI) – Jogu Pra Liga Futsal ba jornada 11 ne’ebé hala´o iha salaun futsal kuartel jeral FALINTIL-Forsa Defeza Timor – Leste (F-FDTL) Fatuhada, ekipa Jerman FC hakat liu nia adversáriu Boavista FC ho rezultadu 1-0.

Iha jogu primeira parte ekipa rua hahú lansa kontra no atake ho tékniku ne´ebé diferente ka ekipa Boavista joga ho bola log no ofensivu atu produz lais golu maibé la konsege tanba guarda rede hosi Jerman FC defende hodi baku sai bola ne´ebé lansa hosi nia adversáriu.

Hakat ba minutu 18 iha jogu dahuluk, jogadór Jerman Bernabe Soares konsege fura rede Boavista ho marka ne´ebé makas no guarda rede hosi Boavista labele salva no resulta 1-0.

Nune´e mós, Jerman halao jogu ho tensaun ne’ebé as hodi buka atu hatama golu maibé jogadór sira ho sorte ne´ebé laek atu hatama golu ne´ebé tuir oportunidade, maske nune´e, jogu sai manas liutan entre ekipa rua ne´e hodi marka sinál golu maibé realidade la muda situasaun.

Hakur ba segunda parte, klube rua nafatin hala´o jogu ho ritmu ne’ebé animadu maibé esforsu sira hosi parte rua ne’e la konsege aumenta ka marka golu hodi halo balansu ba oportunidade.

Ho nune’e rezultadu mantein ho 1-0 to´o jogu termina, Jerman mak iha direitu absoluta ba vitória hodi hadau pontu tolu no Boavista obrigadu tenke hela ho derrota.

Jornalista: Hortencio Sanchez

Editor : Zezito Silva

HAKEREK NO HATÁN

Please enter your comment!
Please enter your name here