Ministru Turizmu, Komérsiu no Indústria, José Lucas do Carmo da Silva. Imajen TATOLI/Egas Cristóvão

DUBAI, 17 outubru 2021 (TATOLI)—Ministru Turizmu Komérsiu no Indústria (MTKI), José Lucas do Carmo da Silva, hateten pavillon Timor-Leste demonstra Governu nia kompromisu solidu ho esforsu tomak hodi promove imajen nasaun nian maibe kontinua tane aas valór kultura no kreatividade umana Timor nian. 

Notísia Relevante: Timor-Leste komemora loron proklamasaun ba dala-46 iha Uniaun Emiradu Árabe

José Lucas do Carmo da Silva hateten, eventu ida-ne’e hodi promove rekursu natureza iha eventu Expo Dubai 2020 hodi atrai investimentu sustentablidade atu hetan benefísiu mutuál hosi parseria globalmente.

“Eventu Expo Dubai 2020 ofrese oportunidade hodi hola parte ba promosaun kontinuasaun ba produtu Timor-Leste nian ba mundu, hodi hakbesik ba investimentu rai-li’ur hodi explora rekursu ne’ebé Timor-Leste iha,” Governante ne’e nia dehan.

Nasaun Timor-Leste iha responsablidade másimu no prioritiza iha área sira hanesan turizmu, agrikultura, investimentu, agrikultura, petróleu no minerál, arte no kultura no seluk tán.

Pavillaun Timor-Leste iha Expo Dubai 2020. Imajen/Mídia MTKI.

Koordenadór Jerál Expo Dubai, Manuel Vong, hateten pavillaun Timor-Leste nu’udar razaun ida hodi enkoraja setór importante sira bele hala’o investmentu liuhosi hakbesik an ba parseriu negosiadór sira hodi bele hala’o investimentu hodi rekolla retornu ba Estadu.

Expo ne’e mós oferese oportunidade boot hodi halibur kultura hosi nasaun iha mundu ne’e, hamutuk nasaun 192 mak marka ona presenza iha eventu mundiál ne’ebé realiza iha Dubai.

Bazea ba dadus, vizitante 11.000 mak sei vizita ona pavillaun Timor-Leste no espera sei hetan vizitante barak liu tán durante fulan neen.

Jornalista : José Belarmino De Sá

Editór       : Cancio Ximenes

 

PUBLISIDADEiklan

HAKEREK NO HATÁN

Please enter your comment!
Please enter your name here