Provedora Direitu Umanu no Justisa (PDHJ), Jesuína Maria Ferreira Gomes. Imajen Tatoli/Dok.

DILI, 15 outubru 2021 (TATOLI)— Provedoria Direitu Umanu no Justissa (PDHJ, sigla Portugés), rejista kazu membru Polisia Nasionál Timor-Leste (PNTL) na’in-78 mak komete iha violasaun direitu umanu.

“Keixa ne’ebé rejista hosi janeiru to’o agora, kona-bá violasaun direitu umanu hamutuk 78 ne’ebé maioria komete hosi PNTL,” Provedora Direitu Umanu no Justisa (PDHJ), Jesuina Maria Ferreira Gomes, hateten iha edífisiu PDHJ, Caicoli, sesta ne’e.

Notísia Relevante : PDHJ rejista kazu violasaun direitu umanu no boa governasaun 37

PDHJ nota entre númeru 78 ne’e iha membru na’in-haat maj hetan ona formsaun direitu umanu, maibé kontinua komete.

PDJH enkoraja PNTL sira bainhira fó orden ba membru sira tenke tuir lei no respietu ba direitu umanu.

“Ami ona halo relatóriu ba iha Komandu PNTL atu foti asaun, ne’ebé entre membru 78, balun hetan ona suspensaun no balun hetan ona represaun,” nia informa.

PDHJ halo nia knaar promove Governasaun di’ak no dezempeña ninia funsaun iha ámbitu atividade ba entidade públiku sira hotu no defende povu sira nia direitu. Entidade públiku sira ne’e inklui PNTL, FALINTIL-Forsa Defeza Timor-Leste (F-FDTL) no serbisu Prizionál nian.

Tanba, PNTL no forsa seguransa sira nia knaar haktuir iha artigu 147 K-RDTL, ne’ebé hateten katak PNTL sei defende legalidade demokrátika no garante sidadun sira-nia seguransa internu no prevensaun kriminál tenke hala’o ho resposabilidade ba direitu umanu.

Aleinde ne’e iha Dekretu-lei númeru 9/2009, kona-ba Lei Organika PNTL, Rejime Juríridku kona-ba forsa nian ho Dekretu-lei 43/2011, Dekretu-lei númeru 13/2004, kona-ba Regulamentu dixiplinár PNTL.

 Notísia Relevante :PDHJ-PNTL lansa manuál formasaun direitu umanu

 Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here