Primeiru-Ministru, Taur Matan Ruak. Imajen TATOLI/Egas Cristóvão

DILI, 14 outubru 2021 (TATOLI)–VIII Governu Konstitusionál komprometidu tau importánsia ba vítima dezastre naturál ne’ebé akontese iha loron 04 abríl foin lalais, tanba ne’e liña minstériu sira buka mekanizmu hodi solusiona problema sira.

“Ministériu Administrasaun Estatál (MAE) no Sekretaria Estadu Protesaun Sivil (SEPS) ha’u komunika ona ho sira, tuir informasaun balun, iha vítima sira balun hakarak fila ba sira-nia munisípiu ne’e ha’u hanoin di’ak loos no sira ne’ebé kontinua diskute maka sira ne’ebé sei hela iha lona okos”, Taur Matan Ruak, hateten, hafoin reuniaun semanál iha Palásiu Prezidensiál, Bairru-pite.

Notísia relevante: Lona sai mahon ba vítima inundasaun iha Manleuana hahú nakles

Tanba ne’e, Xefe Governu, dehan, hirak ne’ebé sei iha sentru akollimentu tenke haree didi’ak tanba sira-nia fatin risku ba inundasaun no rai halai, ne’ebé tenke buka fatin hodi tau provizóriu sira hodi hein fatin permanente.

Antes ne’e, Governu deklara, meiu di’ak liu ne’ebé SEPS opta, mak halo mediasaun ho vítima inundasaun sira atubele hela iha fatin ne’ebé apropriadu no dook hosi risku dezastre.

Notísia relevanta: Governu planeia tau vítima inundasaun iha alojamentu temporáriu

Dadaun ne’e, família hamutuk 135 mak sei iha sentru akollimentu, ne’ebé hosi totál ne’e, na’in-69 mak konkorda fila ba sira-nia fatin iha munisípiu no restu koordena ho Governu hodi muda ba fatin provizóriu.

Jornalista : Antónia Gusmão

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here