Pesoál saúde fó hela vasina ba komunidade postu administrativu Balibo, munisípiu Bobonaro. Imajen Agência TATOLI/Sérgio da Cruz.

DILI, 14 outubru 2021 (TATOLI)— Ministériu Saúde liuhosi Sala Situasaun, Sentru Integradu Jestaun Krize (CIGC, sigla Portugés), rejista pozitivu na’in-neen, rekuperadu 26, no kazu ativu 111.

“Kazu foun, ohin iha neen, Dili haat, munisípiu seluk rua, ne’ebé kompostu hosi,mane tolu, feto tolu,’’ Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, kinta ne’e.

Hosi totál kazu detetadu foun ohin, ho idade 20:0 (0%) laiha, idade entre tinan 12-59 na’in-neen (100%), idade 60 laiha. Husi kazu detetadu foun ohin ida ho kazu 16,7% sintomatiku.

Kumulativu kazu konfirmadu sura hosi 21 marsu 2020 to’o   12 outubru 2021 hamutuk 19.694. Hosi horisehik mai ohin, teste ne’ebé Laboratóriu Nasionál Saúde halo hamutuk 130, PCR, hanesan vijilánsia sentinela hitu, rastreiu ba kontaktu laiha, rastreiu aleatóriu na’in-10, viájen internasionál na’in-72, follow up iha kuarentena na’in -41.

Totál testes PCR ne’ebé halo horisehik 13 outubru iha munisípiu-sira seluk, RAEOA no HNGV hamutuk 122, ho detalla hanesan tuir-mai, Maubisse 12, Malianaualu, Viqueque na’in-neen, Suai 12, Baucau 47, Ermera la iha, RAEOA 10, HNGV 20, Lospalos ida, Vera Cruz neen.

Totál populasaun elijível tinan 18 ba leten, to’o ohin dader 10H00, loron 14 outubru, tuir sistema informasaun Saúde iha Ministériu Saúde, kumulativu 1ª doze iha Dili 79,8% no kumulativu 2ª doze iha Dili 71,0%.

Populasuan ne’ebé simu ona vasina doze dahuluk iha Timor Leste 66,2% no simu ona doze daruak 42,2%.

Hosi insidénsia COVID-19 iha Timor-Leste, durante loron hitu ikus maka 0,7/100 mil abitante, enkuantu ba de’it munisípiu Dili 1,3/100 mil abitante.

Iha loron 14 outubru 2021, izolamentu Vera Cruz, Lahane, HNGV no fatin seluk iha territóriu laran tomak,halo tratamentu hospitalizadu ba kazu detetadu pozitivu na’in-14, hanesan grave na’in-tolu, na’in -ida uza ventiladór, na’in-rua uza oksijéniu. Enkuantu kazu moderadu hamutuk ema na’in-lima no kaman ema na’in-neen.

Notísia relevante:  COVID-19: pozitivu sia no kazu ativu 133

Jornalista: Felicidade Ximenes

Editór: Florencio Miranda Ximnes

HAKEREK NO HATÁN

Please enter your comment!
Please enter your name here