Vasina Astrazeneca. Imajen Tatoli/Antonio Goncalves

DILI, 13 outubru   2021 (TATOLI)—Sala Situasaun, Sentru Integradu Jestaun Krize (CIGC, sigla portugés) rejista kazu pozitivu foun na’in-sia, rekuperadu 38 no kazu ativu 133.

“Kazu foun, ohin, iha Dili na’in-rua, munisípiu seluk hitu, kompostu hosi mane tolu no feto neen,” Koordenadór Forsa-Tarefa ba Prevensaun no Mitigasaun, Rui Maria de Araújo, informa, liuhosi nota ne’ebé Agência TATOLI asesu, kuarta ne’e.

Hosi totál kazu detetadu foun ohin, ho idade 20:0 (0%) laiha, idade entre tinan 12-59 na’in sia (100%), idade 60   laiha. Husi kazu detetadu foun ohin na’in-lima ho kazu 55,5% sintomátiku.

Hahú hosi 21 marsu to’o 13 outubru, CIGC rejista kumulativu kazu konfirmadu hamutuk 19.690.

Hosi horisehik to’o ohin, Loboratóriu Nasionál Saúde halo teste PCR hamutuk 211, kompostu vijilánsia sentinela laiha, rastreiu ba kontaktu laiha, rastreiu aleatóriu na’in-18, viájen internasionál na’in-188, follow up iha kuarentena na’in-lima.

Iha loron 12 outubru, totál teste PCR iha munisípiu-sira seluk, RAEOA no HNGV hamutuk 171, hanesan Maubisse 21, Maliana tolu, Viqueque rua, Suai 22, Baucau 56,  Ermera ida, RAEOA 14,  HNGV 51, Lospalos laiha.

Totál populasaun elijível tinan 18 ba leten ne’ebé simu ona vasina tuir sistema informasaun Saúde iha Ministériu Saúde  kumulativu 1ª doze iha Dili 79,6% no  totál  kumulativu 2ª doze  iha Dili 70,7%.

Enkuantu, ema ne’ebé simu ona vasina doze dahuluk iha Timor Leste 65,5% no simu ona doze daruak 41,6%.

Hosi insidénsia COVID-19 iha Timor-Leste, durante loron hitu ikus maka 0,8/100 mil abitante, enkuantu ba de’it munisípiu Dili 1,7/100 mil abitante.

Informasaun iha izolamentu

Iha loron 13 outubro 2021, izolamentu Vera-Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in 14, kompsotu hosi kazu grave na’in-rua,na’in-ida, uza ventiladór ida no na’in ida uza oksijéniu.

Entretantu, kazu moderadu hamutuk ema na’in-neen no kaman ema na’in-neen.

Apelu ba sidadaun

CIGC apela ba sidadaun sira atu kumpre regra prevensaun no ijiéne pesoál hanesan uza máskara, fase liman bebeik ho bee no sabaun ka ho dezinfetante ruma, mantein distánsia minimu metru ida ho sabaun no evita halibur malu barak.

Nune’e mós husu sidadaun atu halo teste PCR iha Sentru Saúde ne’ebé besik,  bainhira sente moras isin-manas, mear, kakorok moras ka sintoma seluk tan.

Jornalista: Felicidade Ximenes

Editór: Florencio Miranda Ximenes

HAKEREK NO HATÁN

Please enter your comment!
Please enter your name here