Diretora Jerál Prestasaun Saúde, Odete da Silva Viegas. Imajen Tatoli/Francisco Sony

DILI, 13 outubru 2021 (TATOLI)— Governu liuhosi Ministériu Saúde deside halo lansamentu vasina Pfizer ba sidadaun idade 12 to’o 17, iha 25 outubru.

“Ita hahú halo advokasia ba  inan-aman, profesór no estudante sira, atu iha loron 25 outubru, hahú implementa vasina Pfizer doze dahuluk  iha Dili ba alunu sira no la’ós alunu hamutuk 41.000,” Diretora Jerál Prestasaun Saúde, Odete da Silva Viegas, hateten,ba jornalista sira, iha INFORDEPE-Balide, kuarta ne’e.

Tuir planu, vasinasaun ne’e sei realiza iha eskola sira liuliu ba alunu rihun 212 hosi 60 to’o 110 ano, hosi munisípu pre-selesionadu ne’ebé maka sei simu vasina doze dahuluk.

Mekanizmu COVAX konfirma ona haruka doasaun vasina Pfizer hosi Estadu Unidu Amérika (EUA) hamutuk doze 100.620.

“Ita planu ba estudante sira ne’ebé atu simu vasina estabelese sentru iha eskola no ba labarik sira ne’ebé la eskola sei simu vasina iha sentru saúde,” nia informa.

Diretora ne’e dehan, atu fó vasina ba estudante sira inan-aman sira tenke asina karta, autorizasaun hafoin labarik sira simu vasina, tanba vasina la’ós obrigatóriu.

Notísia relevante:  Sábadu, vasina Pfizer doze 100.620 to’o Timor-Leste

Jornalista :  Felicidade Ximenes

Editór : Florencio Miranda Ximenes

HAKEREK NO HATÁN

Please enter your comment!
Please enter your name here