Xefe Departementu Sentru Matan Nasionál, Belmerio Jerónimo.Imajen/Felicidade Ximenes.

DILI, 07 outubru 2021 (TATOLI)—Xefi Departamentu  Sentru Matan Nasionál (SNM) Ospitál Nasionál Guido Valadares (HNGV, sigla portugés), Belmerio Jeronimo, hateten to’o oras ne’e SNM hahú halo tratamentu matan ba pasiente sira hafoin iha serka sanitária nia laran komunidade menus.

“Agora daudaun pasiente sira halo tratamentu ba matan mai barak hanesan situasaun normál, tanba durante Governu implementa serka sanitária mak komunidade menus relasiona transporte públiku la iha. Entaun pasiente mai loroloron hanesan iha segunda semana kotuk ne’e ami atende ema na’in 90 iha loron ida to’o agora númeru nafatin boot,’’ Xefi Departamentu SNM HNGV, Belmerio Jeronimo, ba Tatoli iha nia kna’ar fatin, ohin.

Se halo komparasaun ba situasaun serka sanitária ne’e pasiente sira mai loron ida ema na’in  10 lae 15, entaun agora situasaun normál transporte públiku halai ona, entaun komunidade mai halo tratamentu matan barak.

“Agora ba operasaun matan mós ema barak mai loroloron, maibé ita kompara fali ba uluk iha tempu serka sanitária loron ida ema na’in ida, lae ema la iha tan. Maibé, agora loron ida ema na’in lima ba leten”.

“Tanba ne’e ami husu ba komunidade ne’ebé mak ho problema matan karik bele hakbesik mai iha sentru nasionál matan hodi halo tratamentu sedu ba matan, tanba ne’e mai tenki liuhusi triajen hafoin koko temperatura mak halo tratamentu iha sentru nasionál matan,” nia husu.

Aleinde ne’e, tuir ezekutivu ne’e ai-moruk ba operasaun matan sufisiente hela, maibé ai-moruk ba matan seluk hanesan atu hatun tensaun matan nian mak la iha, tanba ne’e SAMES apoiu ona maibé ai-moruk sei iha dalan.

Notísia relevante:Populasaun TL rihun 157 iha problema matan

Jornalista : Felicidade Ximenes

Editór       : Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here