Logotipu JICA

DILI, 07 outubru 2021 (TATOLI) – Ajénsia Kooperasaun Internasionál Japaun (JICA, sigla inglés) sei halo peskiza ba iha planu melloramentu drainajen hodi bele sai referénsia ba Timor-Leste (TL).

“Ekipa JICA sei sei halo survey (peskiza) ba iha planu melloramentu drainajen iha Hera, Tasitolu no Tibar, hanesan referénsia ba governo Timor-Leste iha futuru, uainhira atu dezenvolve sistema drainajen iha área relevante,” Refere komunikadu JICA, Tatoli asesu, kinta ne’e.

Antes ne’e, JICA Timor-Leste hasoru malu ho Presidente BEE Timor-Leste (BTL E.P.)  Carlos Peloi dos Reis, Diretór Jerál Obra Públiku, Rui H. F. Guterres hodi introdus atividade ne’ebé mak sei halao durante périodu peskiza hahú hosi setembru 2021 to’o marsu 2022.

Notísia relevante:JICA asina akordu servisu ho BTL, E.P

Ekipa refere mós hasoru-malu ho Ministru Agrikultura no Peska, Pedro dos Reis, Diretór-Jerál Agrikultura, Maria Odete do Ceu Guterres no mós Diretór Nasionál Irigasaun,  Martinho L. Soares.

Bainhira diskute ho parte relevante hirak ne’e, JICA iha Timor – Leste hakarak atu kolleta no analiza informasaun nesesáriu sira hodi formula projetu ne’ebé mak rejiste ba dezastre iha kooperasaun futuru, hanesan moru protesaun ba mota Comoro, fasilidade intake Bee moos no mós fasilidade irigasaun iha Buluto ho Maliana I, hodi kontribui ba “Build Back Better”.

Notísia relevante:Ekipa espesialista JICA perkorre Timór prepara planu rekuperasaun infraestrutura

Jornalista: Hortencio Sanchez

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here