Komunidade kontribui hodi simu vasina iha sub-rejiaun Nitibe. Imajen/Mídia ZEESM.

OÉ-CUSSE, 07 outubru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), rejista kazu ativu 15 no rekoperadu 317.

Notísia Relevante: COVID-19 iha RAEOA: pozitivu ida, ativu 14 no rekoperadu 317

“Ohin, ita rejista kazu ativu hamutuk 15 ne’ebé baixa hela iha sala izolamentu Kliníka Kurasaun na’in-lima (5), iha izolamentu Kitahara Mahata hamutuk na’in-10 no rekopera ona hosi izolamentu hamutuk 317,” Sekretáriu Rejionál Asuntu Saúde, Manuel da Costa, informa ba Agência Tatoli iha Sikluli Oé-Cusse, kinta ne’e.

Daudaun ne’e pasajeiru sira-ne’ebé tama iha Oé-Cusse kumpre hela loron 14 iha kuarentena hamutuk 28, hela iha dra. Catarina Anunu nia uma na’in-ida (1), kuarentena Eskola ETARO Masin 22, auto-izolamentu Fulolo rua (2), auto-kuarentena iha Mateus Sufa nia rezidénsia na’in-ida (1), auto-kuarentena Veronika Oématan na’in-ida (1), auto-kuarentena Palaban na’in-ida (1).

Tuir dadus hosi 23 marsu 2020 to’o 07 outubru 2021, totál dadus komulativu kazu konfirmadu hamutuk 335, hasai teste swab 474, númeru RDT swab 232, komulativu teste swab 3.788, komulativu rezultadu negativu 3.532.

Dadus pasajeiru sira-ne’ebé kumpre kuarentena obrigatóriu 1.762, auto-kuarentena 305 totál hamutuk 2.067 no pasa ona loron-14 hamutuk 2009 no rejista óbitu tolu.

“Situasaun iha Oé-Cusse kontroladu, númeru kazu pozitivu COVID-19 komesa tun ona. Tasa partisipasaun vasinasaun aumenta, ninia impaktu mak númeru tun ona. Ita espera bainhira númeru kazu menus, atividade hotu-hotu bele hala’o ona hanesan merkadu la’o normál fali, igreja, eduksaun inklui serímonia kulturál bele la’o fali,” nia dehan.

Jornalista : Abílio Elo Nini

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here