Pesoál saúde vasina komuunidade iha sub-rejiaun Nitibe. Imajen/Mídia ZEESM.

OÉ-CUSSE, 06 outubru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), kuarta ne’e rejista kazu pozitivu foun na’in-ida (1), ativu 14 no rekoperaduu 317.

Notísia Relevante: COVID-19 iha RAEOA: pozitivu tolu, ativu 17 no rekoperadu 313

“Ohin, ita rejista kazu pozitivu foun ida, kazu ativu ne’ebé baixa hela iha sala izolamentu hamutuk 14 no rekopera ona hosi izolamentu hamutuk 317,” Sekretári Rejionál Asuntu Saúde, Manuel da Costa, informa ba Agência Tatoli iha Sikluli, Oé-Cusse.

Kazu ativu 14 ne’e, daudaun ne’e kumpre no baixa hela iha sala izolamentu Kliníka Kurasaun na’in-haat (4) no iha izolamentu Kitahara Mahata hamutuk na’in-10.

Nia informa, daudaun ne’e pasajeiru sira-ne’ebé tama iha Oé-Cusse kumpre hela loron 14 iha kuarentena hamutuk 31, uma dra. Catarina Anunu na’n-da (1), kuarentena Eskola ETARO Masin 25, auto-izolamentu Fulolo rua (2), auto-kuarentena iha Mateus Sufa nia rezidénsia na’in-ida (1), auto-kuarentena Veronika Oématan na’in-ida (1), auto-kuarentena Palaban na’in-ida (1).

Tuir dadus hosi 23 marsu 2020 to’o 06 outubru 2021, totál dadus komulativu kazu konfirmadu hamutuk 334, hasai teste swab 462, númeru RDT swab 232, komulativu teste swab 3.776, komulativu rezultadu negativu 3.521.

Dadus pasajeiru ne’ebé kumpre kuarentena obrigatóriu 1.761, auto-kuarentena 305 totál hamutuk 2.066 no pasa ona loron-14 hamutuk 2006 no rejista óbitu tolu (3).

Jornalista : Abílio Elo Nini

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here