Fundadora Fundasaun Quesadhip Ruak hasai foto hamutuk ho Labarik Orfanatu Dominikana Bidau Dili.Imajen/Tatoli. Arminda Fonseca

DILI, 06 outubru 2021 (TATOLI)-Fundasaun Quesadhip Ruak, kuarta ne’e, hala’o asaun karidade hodi fó apoiu  sasán nesesidade bázika hanesan ai-han ba labarik hamutuk ema na’in 30 ne’ebé maka hela iha Orfanatu Dominikana Rozáriu Bidau Mota-Klaran Dili hamutuk ema na’in 30.

Sasan ne’ebé maka oferese husi Fundasaun Quesadhip Ruak ba Orfanatu Dominikana ohin, kompostu husi foos hamutuk saka sia, manu-tolu rak lima, terigu bornal ida, masin-midar killograma lima hamutuk plástiku rua, no mina litru ida hamutuk kaixa lima.

Notísia Relevante :Uma ba Sidadaun Kolmera Refleta Misaun Quesadhip Ruak

Fundadora Fundasaun Quesadhip Ruak, Isabel Ferreira hateten objetivu hosi asaun karidade ne’e atu hakmaan nesesidade oan kiak sira-nian no mós atu selebra aniversáriu fundasaun nian.

“Ami-nia Fundasaun Quesadhip iha loron 10 outubro 2021 sei halo aniversáriu ba dala-sia, entaun antes atu selebra ami halo atividade liuhosi asaun karidade ba orfanatu sira,”Isabel Ferreira Ruak, hateten ba Agência Tatoli iha, iha Bidau Mota-Klaran, Dili, kuarta ne’e.

Nune’e mós Responsavel Orfanatu Dominikana Rozáriu Bidau Mota-Klaran,  Irman Flavia Mendonça, sente orgullu tanba hetan ona apoiu ai-han husi Fundasaun Quesadhip Ruak nian.

“Ami la’os ohin de’it mak foin hetan apoiu hosi Fundasaun Quesadhip Ruak nian maibé dezde uluk kedas ne’ebé ami ho fuan ho laran hosi kongregasaun Dominikana hato’o agradese ua’in tebes ne’ebé ajuda ami ho labarik sira ne’ebé hela iha fatin ne’e,” nia hateten.

Notísia Relevante :Governu Austrália apoia biblioteka ba Sentru Quesadhip Ruak

Jornalista : Arminda Fonseca

Edtitór  : Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here