Negosiante faan hela sira-nia katupa iha área Avenida Portugál (aruál Praia dos Coqeiros). Imajen Tatoli/Osoria Marques.

DILI, 05 outubru 2021 (TATOLI)—Diretór Sentru Treinamentu Vokasionál Juventude (STVJ) Comoro, Norberto da Costa, informa segunda ne’e STVJ Comoro hahú hala’o ona atividade formasaun movel ba benefisiáriu na’in30 iha munisípiu Covalima, postu administrativu Suai, suku Suai Loro.

Notísia Relevante: STVJ Comoro sei halo abertura formasaun movel iha outubru

“Antes ne’e ami planea ona katak depois asesmentu iha loron 4 outubru, ami sei hahú formasaun movel iha Suai Loro tasi ibun. Tanba ne’e, iha loron 3 outubru, ami realiza ona formasaun ne’e,” Norberto da Costa hateten ba Agência Tatoli, via telefónika, tersa ne’e.

Iha serimónia abertura ne’e, loke direita hosi Sekretáriu Estadu Formasaun Profisionál no Empregu (SEFOPE), Alarico do Rosário, Diretór Jerál Formasaun Profisionál, Diretor Nasionál Formasaun Profisional, Diretora Ezekutiva INDMO no Autoridade Munisípál.

Iha abertura ne’e, nia dehan, Sekretáriu Estadu Formasaun Profisionál (SEFOPE) husu ba benefisiáriu sira atu partisipa másimu iha formasaun ne’e, tanba formasaun ho loron lima ne’e tempu ida badak, entaun presiza atu bele kompleta malu ba prosesu hirak ne’e.

Governante enkoraja benefisiáriu na’in30 atu bele iha mudansa, katak labele daan katupa loos de’it maibé tenke modifika ona buat balun ne’ebé iha, liu-liu produtu ne’ebé benefisiáriu sira iha tenke muda ona nia modelu.

Entretantu, benefisiáriu na’in30 ne’e sente kontente no agradese ba formasaun movel ne’e, tanba foin primeira vez sira tuir formasaun ida-ne’e no hetan partisipasaun direta hosi responsavél másimu hosi Sekretáriu Estadu Formasaun Profisionál (SEFOPE).

Iha formasaun movel ne’e, benefisiáriu sira sei aprende konabá oinsá atu bele halo atendimentu ida-ne’ebé di’ak ba kliente sira.

Benefisiáriu sira-ne’ebé partisipa ba formasaun movel ne’e hamutuk na’in30, ne’ebé mai hosi negosiante sirane’ebé hala’o sirania atividade negósiu iha tasi ibun.

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here