Futsal, google.

DILI, 29 setembru 2021 (TATOLI)—Santa Cruz FC susesu tanba halakon adversáriu Gamer FC ho rezultadu 5-1, iha jogu Prá Liga Futsál ba jornada 12, ne’ebé hala’o iha kampu futsál FALINTIL-Forsa Defeza Timor–Leste (F-FDTL), kuarta ne’e.

Ekipa Santa Cruz nu’udár ekipa forte iha jogu Prá Liga Futsál, tanba ekipa ne’e mai ho nia jogadór ne’ebé hatudu jogu bonito iha kampu laran to’o ikus lori rezultadu 5-1.

Notísia relevante:Pra Liga Futsal, Jerman manan “mihis” Boavista

Minutu dahuluk, hahú hanesan oportunidade di’ak tebes ba ekipa rua, hodi buka vitória ba sira-nia klube.

Produsaun golu dahuluk hosi Santa Cruz FC iha minutu haat, lansa hosi jogadór Aureo Araújo ba rede Gamer hodi hatuur rezultadu 1-0.

Gamer mós esforsu hodi responde kedan iha minutu hitu, liu hosi  jogadór Elvis da Silva, lansa golu resposta hodi muda rezultadu ba 1-1.

Rezultadu ne’e halo jogu sai manas liu tán, maibé Santa Cruz FC domina nafatin  bola, nune’e iha minutu 22 jogadór Jilson dos Reis, marka golu daruak hodi manan provizóriu 2-0.

Gamer FC hakas an atu responde golu ne’e, maibé forsa la to’o ikus mai iha minutu 28 jogadór Santa Cruz FC, Jilson dos Reis prodús nafatin golu ida tan, no rezultadu sai 3-1.

Hakat ba minutu 30, jogadór Santa Cruz Claudio Martins lansa tan golu ida no halo Gemar nia jogu laiha forsa liu tan iha kampu laran.

Iha minutu 39 jogadór Santa Cruz, Zeferino da Silva prodús golu ikus hodi prega metin rezultadu ba 5-1, nune’e to’o jogu termina vitória hela ba Santa Cruz no Gamar tenke derrota.

Jornalista: Hortencio Sanchez

Editór: Cipriano Colo

HAKEREK NO HATÁN

Please enter your comment!
Please enter your name here