Diretór STAE Viqueque, Humberto da Costa. Imajen Tatoli/Vitorino Lopes da Costa.

VIQUEQUE, 27 setembru 2021 (TATOLI)—Sekretariadu Tékniku Administrasaun Eleitorál (STAE) Munisípiu Viqueque, rejista ona eleitór foun hamutuk na’in 315 no sira ne’ebé halo renovasaun ba kartaun elitorál na’in 282, durante prosesu resensiamentu eleitorál, ho totál 597.

“Dadus ne’e, STAE munisípiu Viqueque resjista durante fulan agostu,” Diretór STAE Viqueque, Humberto da Costa, hateten ba jornalista, iha knaar fatin Viqueque, segunda ne’e.

Notísia relevante:Ossu-Uatulari hahú resensiamentu eleitorál

Númeru eleitór foun rejistadu ne’e  mai hosi postu administrativu tolu hanesan Viqueque Villa, Ossu no Uatulari.

Hosi Postu administrativu rua hanesan Lacluta no Uatucarbau to’o agora seidauk hetan mákina impresora, maibé parte STAE Viqueque esforsu nafatin serbisu hamutuk ho parte nasionál atu bele responde.

Resensiamentu eleitorál sei termina iha fulan dezenbru 2021 no sei kontinua hikas iha fulan janeiru 2022, hodi garante partisipasaun eleitór-sira iha eleisaun Prezidensiál 2022.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here