Vise-Ministra Turizmu, Komunitária no Kultura, Inâcia da Conceição Teixeira. Imajen TATOLI/Egas Cristóvão

DILI, 27 setembru 2021 (TATOLI)—Vise-Ministra Turizmu Komunitáriu no Kultura, Inâcia da Conceição Texeira, informa, tinan oin parte ministériu planeia dezenvolve tan turizmu komunitáriu iha munisípiu lima.

“Foin daudaun ami ein kaixa de’it ba munisípiu haat, maibé espera katak tinan oin ho orsamentu ne’ebé aprovadu, ita bele kontinua filafali munisípiu lima ba dezenvolvimentu komunitáriu,” Vise-Ministra hatetetn iha salaun Plaza IOB, Fomento, segunda ne’e.

Nia esplika, munisípiu lima ne’ebé MTKI sei dezenvolve turizmu komunitáriu maka Lautém, Manufahi, Liquiçá, Ermera no Bobonaro.

“Munisípiu lima mós sei  la’ós haree de’it ba turizmu komunitáriu, maibé sei utiliza área  poténsia kafé  ba turizmu ninian  no aumenta programa turizmu istóriku ho tema rezisténsia, ne’ebé sei haree filafali valor istória sira ne’ebé ita-nia eroi funu-na’in sira rai hela ba rai ida-ne’e no ita tenke hahú  hadi’a fali fatin sira ne’e,” Vise-Ministra akresenta.

Aleinde ne’e, MTKI  fó formasaun ba komunidade  sira, nune’e sira maka sei sai na’in ba turizmu komunitáriu.

Notísia relevante: MTKI asina akordu subvensaun ho grupu traballu dezenvolve turizmu komunitáriu

Antes ne’e, suku lima ne’ebé maka hetan apoiu hosi Governu liuhosi MTKI ba programa pilotu dezenvolvimentu maka suku Ualili iha Baucau, suku Uaimoritula iha Viqueque, suku Maubisse villa iha Ainaro, suku Nunumoge iha Ainaro no suku Seloi iha Aileu.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here