Diretor Jerál Serbisu Kooperativu, Ministériu Saúde, Marcelo Amaral. Imajen Tatoli/Francisco Sony.

DILI, 27 setembru 2021 (TATOLI)—Ministériu Saúde (MS), sei konklui lista liña frente iha tempu badak, atu bele submete ba Ministériu Finansa (MF).

“Ami simu ona pedidu husi Munisípiu-sira, Ospitál Nasionál Guido Valadares, no SAMES  atu verifika no konsolida lista sira ne’ebé mak iha. Ami tenki asegura katak, tama ona kategoria ne’ebé mak lei haruka no mós dokumentu adminsitrativa tenke kompleta didi’ak nune’e lori ba MF  labele rejeita tan,” Diretór Jerál Korporativu, Ministériu Saúde (MS), Marcelo Amaral, hateten ba jornalista-sira iha HNGV, segunda ne’e.

Notísia relevante:MS sei verifika lista liña frente 5000-resin

Tanba ne’e, tarjetu ba prosesu ne’e semana rua bele kompleta ona atu haruka ba MF hodi bele halo pagamentu ba liña frente-sira iha outubru.

Iha fatin hanesan, Diretór Klíniku, Marcelino Correia, hateten lista HNGV nian daudaun ne’e prosesu ona ba iha Ministériu Saúde, ho totál na’in 200-resin.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here