Vise-Ministru, MAE, Lino de Jesus Torrezão, hala’o fiskalizasaun ba progresu konstrusaun Uma Kbiit Laek (UKL), iha Munisípiu Viqueque, no haree katak, atinjimentu to’o ona 52%, kinta (24/09/21). Imajen Tatoli/ Vitorino Lopes da Costa.

VIQUEQUE, 23 setembru 2021 (TATOLI)—Minsitériu Administrasaun Estatál (MAE), liu hosi Vise-Ministru, Lino de Jesus Torrezão, hala’o fiskalizasaun ba progresu konstrusaun Uma Kbiit Laek (UKL), iha Munisípiu Viqueque, no haree katak, atinjimentu to’o ona 52%.

“Projetu UKL ne’e MAE nian. Tanba ne’e, ha’u halo fiskalizasaun ba konstrusaun UKL ne’ebé la’o hela iha munisípiu Viqueque. Maibé, ohin ha’u haree uma tolu iha suku Uma Ki’ik ninia progresu konstrusaun atinje ona 70% no progresu UKL iha Viqueque tomak atinje ona 52%,” Lino de Jesus Torrezão, hateten ba jornalista iha suku Uma Ki’ik, kinta ne’e.

Notísia relevante:Konstrusaun UKL iha teritóriu nasionál atinje 11,5%

Durante fiskalizasaun, MAE detekta katak, iha postu administrativu tolu mak konstrusaun tarde liu, tanba ne’e parte autoridade nafatin fó hanoin ba badaen-sira, hodi aselera prosesu nune’e bele konklui iha 31 Setembru 2021.

“Maibé, ita mós tenke haree situasaun no mudasa klimátika ne’ebé akontese. Ita haree hanesan parte Ossu. Entaun, ninia progresu mós ladún la’o ho di’ak. Nune’e ita fó hanoin nafatin badaen-sira serbisu ho vontade liu tán,” nia esplika.

Tuir rezultadu fiskalizasaun ba progresu konstrusaun UKL iha Postu administrativu sira iha Viqueque, ho nia deskrisaun mak hanesan, postu administrativu Viqueque Villa UKL iha 30 atinje 52%, Ossu iha 30 atinje 3%, Uatulari iha 18 atinje 0.5%, Lacluta iha 12 atinje 20% no Uatucarbau iha 18 atinje 37%.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here