Uma Kbiit-Laek. Imajen/Espesiál

DILI, 23 setembru 2021 (TATOLI)—Xefe Komunikasaun Sosiál Programa Nasionál Dezenvolvimentu Suku (PNDS), António Romano, informa atividade ba konstrusaun ba Uma Kbiit Laek (UKL) ba territóriu nasionál ho nia progresu fíziku foin mak atinje 14%.

António Romano hateten, konstrusaun Uma Kbiit Laek ne’ebé planea ne’e hamutuk 1.254 maibé iha prosesu konstrusaun nia-laran mak uma hamutuk 790 no uma 464 mak seidauk hahú halo konstrusaun.

Notísia Relevante: Governu estabelese valór másimu projetu Uma Kbiit Laek

“Kontrusaun fíziku ba konstrusaun Uma Kbiit Laek ne’e foin mak atinje 14% ho nia osan infraestrutura hamutuk $20.956.850,” Xefe Komunikasaun Sosiál PNDS ne’e hateten ba Agência TATOLI liuhosi telefónika, kinta ne’e.

Nia informa, iha Munisípiu Aileu ne’e uma 96 mak iha hela prosesu konstrusaun nia-laran hosi totál uma 99, entaun nia progresu fíziku mak foin atinje 15% no osan ba infraestrutura ne’e hamutuk $1.643.200.

Ba munisípiu Ainaro ne’e, uma 59 mak iha hela prosesu konstrusaun nia-laran hosi totál uma 63, entaun progresu fíziku atinje ona 16% ho orsamentu infraestrutura hamutuk $1.032.372.

Munisipiu Baucau, uma 102 mak iha hela prosesu konstrusaun nia-laran hosi totál uma 177, entaun progresu fíziku atinje ona 19% ho orsamentu ba infraestrutura hamutuk $2.972.372.

Iha Bobonaro, uma 84 mak iha hela prosesu konstrusaun nia-laran hosi totál uma 150, entaun progresu fíziku atinje ona 10% ho orsamentu infraestrutura hamutuk $2.443.665.

Iha Covalima, uma 24 mak iha hela prosesu konstrusaun nia-laran hosi totál uma 90, entaun progresu fíziku foin atinje 2% ho orsamentu infraestrutura hamutuk $1.492.000.

Munisípiu Dili, uma 24 mak iha hela prosesu konstrusaun nia-laran hosi totál uma 24, entaun progresu fíziku atinje ona 33% ho nia osan ba infraestrutura hamutuk $398.616.

Ermera, uma 102 mak iha hela prosesu konstrusaun nia-laran hosi totál uma 156, entaun progresu fíziku foin atinje 7% ho no osan ba infraestrutura hamutuk $2.638.000.

Lautém, uma 46 mak iha hela prosesu konstrusaun nia-laran hosi totál uma 102, entaun progresu fíziku foin atinje 10% no osan ba infraestrutura hamutuk $1.731.110.

Liquiça, uma 69 mak iha hela prosesu konstrusaun nia-laran hosi totál uma 69, entaun nia progresu fíziku atinje ona 21% no osan ba infraestrutura hamutuk $1.170.230.

Manatuto, uma 54 mak iha hela prosesu konstrusaun nia-laran hosi totál uma 93, entaun nia progresu fíziku foin atinje 10% no osan ba infraestrutura hamutuk $1.561.536.

Manufahi, uma 77 mak iha hela prosesu konstrusaun nia-laran hosi totál uma 86, entaun nia progresu fíziku atinje ona 38% no osan ba infraestrutura hamutuk $1.462.000.

Oé-cusse, uma 2 mak iha hela prosesu kontrusaun nia-laran hosi totál uma 36, entaun nia progresu fíziku foin atinje 1% no osan ba infraestrutura hamutuk $611.000.

Munisípiu Viqueque, uma 51 mak iha hela prosesu kontrusaun nia-laran hosi totál uma 108, entaun nia progresu fíziku foin atinje 16% ho nia orsamentu ba infraestrutura hamutuk $1.801.749.

Haree hosi progresu fíziku uma ne’e nian, nia hateten, Munisípiu Manufahi mak ninia atinjimentu 38%, depois tuir mai mak Dili 33% no Liquiça 21%.

Nia dehan, konstrusaun seluk ninia pursentu kiik no balun to’o agora seidauk konstrui tanba situasaun pandemia COVID-19 no udan difikulta atu lori ekipamentu tanba estrada ba aldeia ne’ebé mak benefisiáriu sira hela bá ne’e aat.

Uma Kbiit Laek ne’e implementa iha territóriu nasionál ho nia suku hamutuk 424 ho aldeia 424.

Nia afirma, iha Munisípiu Dili, Uma Kbiit Laek sei implementa iha Postu Administrativu Ataúro no Metinaro de’it, maibé n konstrusaun ne’e halo fazeadamente kada tinan durante tinan lima hahú 2021-2025.

Tuir nia, tinan implementasaun UKL mak hosi 2021 ne’e ekipa PNDS konstrusaun iha aldeia 424, tinan 2022 nafatin aldeia 424, 2023 mós 424, tinan 2024 konstrui uma iha aldeia 424 no 2025 ekipa PNDS halo iha aldeia 329.

Prinsípiu ka xave ba konstrusaun UKL ba Ema Kbiit Laek (EKL) ne’e tanba hakarak halo redusaun probreza iha suku no aldeia sira, tanba liuhosi Governu nia apoiu mak bele kontribui ba hadi’ak kondisaun moris ema kbiit laek sira.

Kona-bá sustentabilidade, nia esplika, atu utiliza hodi hadi’ak kondisaun moris ema kbiit laek sira-nian no fó benefísia moris rasik no nafatin benefisia ba sira-nia jerasaun tuir mai.

Proposta benefisiáriu ba atividade Uma Kbiit Laek tenke maihosi komunidade no hahú kedas hosi nivel aldeia.

“Ema kbiit laek sira-ne’e, prioridade liu hodi haree ba igualidade Jéneru no Inkluzaun mak feto ho mane no Ema ho Difisiénsia (EHD) sira tenke iha oportunidade hanesan atu sai benefisiáriu ba uma knit laek ne’e,” nia dehan.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here