Komunidade ne’ebé atu sai hosi Dili ba munisípiu submete ba swab teste iha Sentru Integradu Jestaun Krize (SIJK), Tersa (21/09/21). Imajen Tatoli/António Gonçalves.

DILI, 21 setembru 2021 (TATOLI)—To’o ohin, sidadaun 678.656 iha Timor-Leste (TL) simu ona vasina kontra COVID-19 ho nia kobertura iha nível nasionál ba doze dahuluk 55,8% no doze daruak 32,7%.

Iha tabele klasifikasaun hatudu katak, munisípiu Dili nian ho númeru populasaun ne’ebé boot liu, antje ona doze dahuluk 77% no doze daruak 64%.

Notísia relevante:Servisu Saúde Baucau planeia vasina komunidade direta iha uma

Tanba ne’e, munisípiu Dili sai primeiru lugar, tuir kedan Rejiaun Administrativa Espesiál Oé-cusse Ambeno (RAEOA) doze dahuluk antinje 68,5%, daruak 23,7%.

Ita terseiru lugár, munisípiu Covalima doze dahuluk 65,0% no doze daruak 25,8%, Viqueuque doze dahuluk 64,3% no doze daruak 34,9%.

Númeru vasina kiik liu maka, munisípiu Ermera ho doze dahuluk foin atinje 30,2%, no doze daruak 10,2%, maibé esforsu ida-ne’e nafatin hala’o ba oin.

“Iha 29% mak ema tauk atu vasina, tanba sira moras hela no sira tauk tanba hanoin barak katak, sira la simu informasan kona-bá kampaña vasina,” Diretora Jerál Prestasaun Serbiu Saúde, Odete da Silva Viegas, hateten iha otél Novo Turizmu, segunda ne’e.

Ministériu Saúde preokupa ho númeru vasina ne’ebé besik expire, maibé utilizasaun iha nível nasionál komesa menus.

Tanba ne’e, husu ba profisionál saúde-sira, labele dezanima uluk, maibé tenke hanoin atu buka  estratejia hanesan tama sai uma lori vasina, hanesan iha munisípiu Dili ne’ebé kuaze atu atinje ona 80%.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here