Ministériu Justisa (MJ), fó kapasitasaun ba guarda prizionál iha estabelesimentu prizaun Becora, kona-bá disiplina, direitu no devér, tersa (21/09/21). Imajen Tatoli/Nelson de Sousa.

DILI, 21 setembru 2021 (TATOLI)—Ministériu Justisa (MJ), sei submete lista guarda prizionál hamutuk na’in 206, ne’ebé hala’o serbisu esensiál iha mitigasaun no prevensaun COVID-19, ba Ministériu Finansa (MF), hodi bele simu subsídiu.

Pesoál hirak-ne’e mai hosi estabelesimentu guarda prizionál  Becora iha guarda 133, prizaun Gleno 35 no Suai 38 ne’ebé sei haruka hotu ona ba Diresaun Ministériu-nian atu halo verifikasaun hafoin submete ba Ministériu Finansa.

Notísia relevante:MF husu liña ministériu submete lista liña frente

“Husu guarda prizionál ho onestidade atu prienxe oráriu ho oras iha lista tuir atividade sira hala’o no labele uza oportunidade inventa,” Ministru MJ, Manuel Cárceres da Costa, hateten ba jornalista iha prizaun Becora, tersa ne’e.

Manuel Cárceres da Costa  konsidera guarda prizionál iha iha direitu subsídiu liña frente, tanba lakon tempu ba família, hodi tau-matan ba maluk-sira iha prizaun to’o balun infetadu.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here