Prezidente INSS, Longuinhos Armando Leite. Imajen TATOLI/Egas Cristóvão

DILI, 20 setembru 2021 (TATOLI)—Prezidente Institutu Nasionál Seguransa Sosiál (INSS), Longuinhos Armando Leite informa, iha tetu fiskál Orsamentu Jerál Estadu (OJE) 2022 INSS sei tau importánsia ba programa prioridade tolu.

Notísia Relevante: INSS halo ona pagamentu ba entidade empreza-fakultativu 11.889

“Iha tetu OJE 2022, Ministériu Finansa fó ami milliaun $43 ba programa tolu (3) mak rejime kontributivu ba sai nian, administrasaun no rejime tranzitóriu seguransa sosiál. Hosi osan ne’e, ba ami sufisiénte ona maibé ho hanoin ida katak ita-nia ferik-katuas aumenta to’o 5.000 to’o 6.000,” Longuinhos Armando Leite hateten ba Agência TATOLI, iha nia knaar fatin, Caicoli, Dili, segunda ne’e.

Bainhira idozu no inavalidéz mak to’o rihun 100 hanesan ne’e, entaun signifika presiza tan osan adisionál nune’e bele atende ba pagamentu maibé tuir predisaun katak bele sa’e mak sei to’o de’it iha 5.000 to’o 6.000.

“Entaun, ho osan ida millaun $43 ne’e ita bele resolve. Maibé bainhira nia liu mak ita sei presiza tan osan adisionál mak bele rezolve. Kona-bá adisionál, ita seidauk bele hateten tanba ita mós sei hein rezultadu pagamentu idozu no invalidéz nian ba tinan ne’e nian hosi Banku Nasionál Komérsiu Timor-Leste (BNCTL), hafoin ita bele hateten presiza adisionál hira,” nia relata.

Tuir nia, esperiénsia ne’ebé kada tinan INSS hasoru mak aumenta de’it rihun lima to’o neen, no ema-ne’ebé mate dala ruma to’o na’in-20 maibé ba tinan ne’e INSS seidauk hatene klaru.

“Bainhira ami atu hatene ema hira mak mate ona no ema hira mak sei aumenta (idozu rejistu foun) ne’e ami seiduak hatene maibé pagamentu mak ami-nia pontu fokál sira relata mai ami,” nia dehan.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here