Xefe Suku Madebenu, Afonso Marques Henrique. Imajen Tatoli/Nelson de Sousa.

AILEU, 16 setembru (TATOLI)—Konstrusaun Uma Kbiit Laek (UKL), iha suku Madebenu, postu  administrativu Laulara, munisípiu Aileu, atinjte ona 50%.

“Ita iha família uma-ka’in tolu mak sai benefisiáriu. Implementasaun hahú iha outubru 2020, to’o agora ninia konstrusaun atinje ona 50%,” Xefe Suku Madebenu, Afonso Marques Henrique, hateten ba jornalista iha sede suku Madebenu, kinta ne’e.

Notísia relevante:Konstrusaun UKL iha Viqueque to’o ona 15%

Tuir identifikasaun autoridade lokál, benefisiáriu sira ne’e vulnerável duni bazeia ba mapeamentu ne’ebé iha, hosi aldeia Belihato.

Autoridade komunitária orgullu ho programa Governu ne’e tanba bele fó solusaun ba dezafiu komunidade vulnerável-sira.

Nia husu Governu atu kontinua programa ne’e, to’o populasaun hotu ne’ebé moris ho kondisaun vulnerável, bele hetan hotu uma dignu.

Suku Madebenu iha aldeia neen ho xefe família 417 no populasaun 1.947.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here