Diretór PNDS Munisípiu Viqueque, Estevão de Carvalho. Imajen Tatoli/Vitorino Lopes da Costa.

VIQUEQUE, 24 agostu 2021 (TATOLI)—Progressu konstrusaun Uma Kbiit Laek (UKL) iha munisípiu Viqueque, atinji 15%.

“Konstrusaun UKL ba suku 36 hosi postu administrativu lima iha munisípiu ne’e, progresu to’o ona 15%,” Diretór Programa Nasionál Dezenvolvimentu Suku (PNDS), munisípiu Viqueque, Esteveão de Carvalho  hateten ba jornalista Agência Tatoli, iha edifísiu PNDS, Viqueque, tersa ne’e.

Notísia relevante:UKL iha Lacluta sei konstrui uluk iha suku Dilór

Progresu konstusaun iha postu administrativu Viqueque Villa, iha uma hamutuk 30 iha suku 10 ho nia konstrusaun la’o hotu  ona, nune’e mós postu administrativu Lacluta, implementa iha suku haat.

Durante fulan agostu, PNDS mós implementa tán uma sia (9) iha suku haat iha postu administrativu Uatukarbau, maibé  suku Batata no Afaloikai totál uma neen (6), mak seidauk hahú implementa tanba kondiasuan estrada mak sai difikuldade hodi hatama materiál konstrusaun.

Iha postu administrativu Uatulari, suku Matahoi iha uma tolu no suku Vesoru foin halo uma ida, no suku suka haat seidauk inklui Postu administrativu Ossu foin mak konstrui iha suku rua.

PNDS Viqueque mós esforsu nafatin  iha semana ida-ne’e, atu konstrui iha suku lima atu labele implementa tarde, iha munisípiu Viqueque.

PNDS  garante katak, UKL iha Viqueque sempre finaliza, susar to’o ne’ebé mós sempre finaliza. Tanba durante tinan hitu nian laran  PNDS  la husik projetu ruma.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here