Vise-Prezidente Parlamentu Nasionál, Maria Agelina Sarmento Lopes, halo abertura ba sesaun IV lejislativa hosi V lejislatura Parlamentu Nasionál, Iha salaun Plenaria Parlamentu, kuarta (15/09). Imajen Tatoli/Francisco Sony

DILI, 15 setembru 2021 (TATOLI)–Prezidente Repúblika, Francisco Guterres ‘Lú Olo, la partisipa iha abertura ba 4a Sesaun Lejizlativa no sesaun lejizlativa foun ne’e, entaun iha sesaun abertura ne’e lidera hosi Prezidente Parlamentu Nasionál Ein-Ezersísiu, Deputada Maria Angelina Lopes Samento.

Deputadu sira hahú resesu iha loron 31 jullu liubá no termina iha loron 14 setembru no 15 setembru hahú sesaun lejizlativa foun.

Notísia Relevante: Durante resesu, deputadu sira atualiza polítika atuál ba povu

Prezidente Parlamentu Nasionál Ein-Ezersísiu, Deputada Maria Angelina Lopes Sarmento, deklara 4a Sesaun Lejizlativa ho inu nasionál “Pátria Pátria”.

“Sesaun abertura ida-ne’e la partisipa hosi Prezidente Repúblika no konvidadu de onra sira maibé tinan ida-ne’e ita halo sesaun abertura simples de’it. Ha’u hanoin katak sesaun lejizlativa sira seluk mós iha ona referénsia ho modelu simples, hanesan loron ohin,” Prezidente Parlamentu Nasionál Ein-Ezersísiu, Deputada Maria Angelina Lopes Sarmento, anunsia hafoin loke sesaun abertura dahaat, iha uma fukun, kuarta ne’e.

Prezidente Parlamentu Nasionál Ein-Ezersísiu ne’e hato’o boas vindas ba deputadu sira-ne’ebé ohin hahú hikas serbisu iha uma fukun.

Entretantu, Sekretária Meza Parlamentu Nasionál, Deputada Lídia Norberta dos Santos Martins, fó-sai katak Rejimentu Parlamentu Nasionál artigu 45 (Sesaun Lejizlativa) la esplika klaru kona-ba obrigatoridade Xefe Estadu tenke partisipa.

“Iha rejimentu ne’e rasik la estabelese obrigatoriudade atu Prezidente Repúblika marka prezensa iha inísiu sesaun lejizlativa. Ne’ebé Prezidente Repúblika la partisipa,” nia katak.

Purtantu Przidente Parlamentu Nasionál, Deputadu Aniceto Longuinhos Guterres Lopes mós la partisipa sesaun lejizlativa foun tanba kumpre hela auto-kuarentena.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here