Ministra Saúde (MS), Odete Maria Freitas Belo, observa direta progresu konstrusaun armazen Serbisu Autónomu Medikamentu no Ekipamentu Saúde (SAMES) iha postu adminiatrativu Maliana, munisipiu Bobonaro, sesta (06/08/21). Imajen Tatoli/Sérgio da Cruz.

DILI, 14 setembru 2021 (TATOLI)—Minsitériu Saúde (MS) ezekuta ona Orsamentu Jerál  Estadu (OJE) 2021, hamutuk $28.175.577,66, hosi totál $56.767.505,95.

Hosi ezekusaun $28.175.577,66 ne’e, ba saláriu vensimentu hamutuk $13.927,376.72, bens serbisu $3.681.163.59, transferénsia públika 10.369.787,54, kapitál menór $170.249,81, no kapitál dezenvolvimentu iha faze komitmentu.

Notísia relevante:MS sei kontrata tan otél iha Dili ba izolamentu

“Orsamentu ne’ebé prevee ba MS,  loloos ne’e millaun $58, maibé desizaun Governu liu hosi Konsellu Ministru katak, kada Ministériu tenke kontribui 7%  ba programa Cesta Bázika, Entaun, sirkulár ne’e sai, MS kontribui hosi kapitál dezenvolvimentu millaun $1.8, hela millaun $57. Nune’e mós iha orsamentu retifikativu, MS hasai tan millaun $1, hosi kapitál desenvolvimentu, hela de’it millaun $56,’’ Diretór Nasionál Orsamentu no Jestaun Finansa, Minsitériu Saúde, Miguel Maria,  hateten ba jornalista Tatoli iha kna’ar fatin, tersa  ne’e.

To’o ohin, MS ezekuta ona trimestre daruak hamutuk $28.175.577,66 hosi  montante millaun $56. Faze obrigasaun hamutuk $2.469.697,79,  faze komitmentu hamutuk $6.024.769,08, no agora daudaun balansu  sei iha $20.097.461,42. Agora daudaun balansu iha $20.097.461,42, ne’e barak liu iha saláriu vensimentu.

“Jeralmente ezekusaun orsamentu la’o di’ak iha trimestre daruak. Maibé, iha bens serbisu mak ita iha atrazu oitoan durante serka sanitária no Estadu emerjénsia ho konfinamentu obrigatóriu tanba limita  tiha atividade sira ne’ebé planeia hosi munisípiu mai sentrál. Maibé, la signifika ita la la’o, ita la’o hela maski muda meiu enkontru-sira,” nia dehan.

MS kontinua esforsu atu bele implementa orsamentu iha kategoria lima no oras-ne’e daudaun, foku-liu ba prevensaun COVID-19, nune’e, bainhira ultrapasa situasaun ne’e, atividade hotu-hotu bele funsiona.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here