Estudante Eskola Sekundária Jerál Públiku Suai (ESPS). Imajen Tatoli/Celestina Teles

COVALIMA, 13 setembru 2021 (TATOLI) – Eskola Sekundária Jerál Públiku Suai  (ESPS) hahú hikas ensinu aprendizajen  prejensiál hodi kumpre orientasaun hosi Ministériu Edukasaun Juventude no Despertu (MEJD).

Notísia Relevante : ESJ Suai suspende ensinu aprendizajen prejensiál

Bazeia ba despaixu númeru 44 hosi MEJD suspende provizóriu prosesu aprendizajen hahú iha loron 26 agostu to’o loron 10 Setembru de’it. nune’e, segunda ne’e, ESPS hahú hikas fali sira-nia aula prejensiál.

“Hakarak ka lakohi tanba seidauk iha despaixu ruma hosi Ministériu atu suspende tan eskola kumpre despaixu anteriór katak ohin ami komesa aula normal,” Diretór Eskola Sekundária Jerál Públiku Suai, Francelino Freitas Carvalho, informa ba Agência Tatoli iha nia servisu fatin, segunda ne’e.

Eskola mós sei rekolla kartaun vasinasaun hodi kumpre karta hosi MEJD ho númeru 03 hodi identifika profesór ne’ebé vasina ona no seidauk vasina .

“Ha’u hanoin 95% profesór iha eskola ne’e vasina ona. Ami mós fó avizu ona liu hosi grupu Facebook orienta ba profesór nune’e sira bele lori sira nia kartaun vasina nune’e ami bele prienxe formuláriu hodi relata relatóriu ba MEJD,” Francelino hateten.

Estudante iha eskola Sekundária Jerál Públiku Suai hamutuk na’in-2,175 hosi númeru estudante ho idade 18 ba leten maioria vasina ona ho nia profesór na’in-85.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here