Estudante Ensinu Sekundáriu Jerál Suai, Covalima. Imajen Tatoli/Celestina Teles

COVILIMA, 29 juñu 2021 (TATOLI) – Eskola Sekundáriu Jerál Públiku 01 Suai, Covalima, suspende ensinu aprendizajen prezensiál tanba profesór na’in-haat (4) detetadu pozitivu  COVID-19.

Notísia Relevante : ESJ Suai hahú ensinu aprendizajen prejensiál

“Atu re-ativa fali depende ba kondisaun saúde profesór na’in-haat ne’e nian no protokolu saúde públiku,” diretór ESJ Suai, Francelino Freitas Carvalho, informa ba Agência Tatoli iha Covalima, tersa  ne’e.

Profesór na’in-haat ne’e pozitivu hafoin ekipa saúde fó sai rezultadu teste swap ne’ebé hala’o loron-rua liubá iha Suai, Covalima.

“Desizaun suspende atividade ensinu aprendizajen prejensiál ne’e hetan mós koñesimentu  hosi Diretór Edukasaun Munisípiu Covalima,”  Francelino Freitas Carvalho hateten.

Estudante  ESJS hahú ensinu aprendizajen prejensiál hahú iha loron 16 juñu liubá, mas agora tenke suspende fali tanba profesór na’in-haat pozitivu COVID-19.

Jornalista       : Celestina Teles 

Editór             : Francisco Simões

HAKEREK NO HATÁN

Please enter your comment!
Please enter your name here