Komunidade simu vasina Sinovac husi pesoál saúde iha Sentru Saúde Comoro, segunda (13/09/21). Imajen Tatoli/António Gonçalves.

OÉ-CUSSE, 13 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), segunda ne’e rejista kazu pozitivu tolu (3), ativu 52 no rekoperadu 196.

Notísia Relevante: COVID-19 iha RAEOA: pozitivu tolu, ativu 49 no rekoperadu 196

“Ohin, rejista kazu positivu foun na’in-tolu (3), ativu hela ka baixa iha sala izolamentu hamutuk 52 no rekopera ona hamutuk 196,” Sekretáriu Rejionál Asuntu Saúde, Manuel da Costa, informa ba Agência Tatoli iha Sikluli, Oé-Cusse.

Kazu ativu 52 ne’e, daudaun ne’e kumpre hela iha sala izolamentu Alfandega Mahata na’in-10, izolamentu Klinika Kurasaun na’in-rua (2), izolamentu Kitahara Mahata hamutuk na’in-63.

Tuir dadus hosi 23 marsu 2020 to’o 13 setembro 2021, totál dadus komulativu kazu konfirmadu hamutuk 249, hasai teste swab 44, RDT swab 167, komulativu teste swab 3.338, komulativu rezultadu negativu 3.050.

Dadus pasajeiru ne’ebé kumpre kuarentena obrigatóriu 1.647, auto-kuarentena 305 ho totál hamutuk 1.952 no pasa ona loron 14 hamutuk 1.849 no rejista óbitu ida.

Aliende ne’e, nia informa, daudaun ne’e pasajeiru sira-ne’ebé tama Oé-Cusse kumpre hela kuarentena hamutuk na’in-36 ne’e, hela iha auto-kuarentena Fulolo na’in-haat (4), kuarentena Sakato na’in-ida (1), uma Dra.Catarina Anunu ida (1), kuarentena Eskola ETARO Masin na’in-27, auto-kuarentena rezidénsia Mateus Sufa nian na’in-ida (1), auto-kuarentena Palaban na’in-ida (1), auto-kuarentena Veronika Oématan na’in-ida (1).

Atu prevene COVID-19 iha RAEOA, dirijente saúde ne’e apela ba komunidade atu mantein uza máskara maske hetan ona vasina dala-rua, fase liman beibeik no halo distansiamentu sosiál, no hirak ne’ebé seidauk simu vasina atu hakbesik-aan ba iha fasilidade saúde hodi simu vasina, nune’e bele halo movimentasaun iha rai-laran.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here