Avaliasaun ba ONG sira ne’ebé kontribui ba Cesta Bazika iha Viqueque, iha salaun Viqueque, sesta (10/09/21).Imajen Tatoli/ Vitorino Lopes da Costa.

VIQUEQUE, 10 setembru 2021 (TATOLI)—Ministériu Agrikultura no Peska (MAP), Munisipál Viqueque, hala’o avaliasaun ba serbisu parseiru-sira kompostu hosi Organizasaun Naun Govermentál (ONG) nasionál no internasionál hamutuk hitu, ne’ebé durante ne’e kontribui ba programa rekoperasaun ekonómika, iha munisípiu ne’e.

“Ita husu sira nia serbisu ne’ebé implementa durante tinan ida hodi sai relatóriu atu relata ba MAP nasionál,” Diretór MAP Viqueque, Carlos Pinto, hateten ba jornalista iha salaun Viqueque, sesta ne’e.

Notísia relevante:Bolly lidera KONSANTIL Viqueque

Kona-bá rekoperasaun ekonómika, durante periúdu COVID-19, parseiru-sira fó kontribuisaun hanesan oferese fini hahán no manu ba komunidade hodi haki’ak.

MAP Viqueque haree katak, durante ne’e parseiru-sira apoia barak liu maka fini modo-musan ba komunidade, tanba durasaun tempu badak bele kolleta.

Iha fatin hanesan, Administradór Munisípiu Viqueque, José da Costa de Sousa, konsidera kontribuisaun perseiru-sira durante ne’e importante, no presiza hametin di’ak liután serbisu hamutuk iha futuru.

Parseiru-sira mak hanesan To’os ba Moris Di’ak  (TOMAK), Catholic Relief Services (CRS), United Nations Development Programme (UNDP), ADRA Timor-Leste, Food and Agriculture Organization (FAO), CVTL, Care internasionál no ONG lokál KHC

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here