Ministru Prezidénsia Konsellu Ministru, Fidelis Manuel Leite Magalhães. Imajen TATOLI/Egas Cristóvão

DILI, 08 setembru 2021 (TATOLI)–Governu Timor-Leste no Brunei Darusalam sei selebra akordu servisu aéreu iha tempu badak, tanba ne’e liuhosi reuniaun Konsellu Ministru (KM) Governu atribui poder ba Ministru Transporte no Komunikasaun (MTK), José Agostinho da Silva, atu asina akordu.

“Akordu ne’e ho objetivu atu impulsiona konetividade hosi Timor-Leste no mundu tomak no sei permite empreza servisu aéreu sira ne’ebé dezigna hosi país rua bele autoriza explora servisu transporte aéreu hosi país rua ne’e,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha auditorium Ministériu Finansa, Aitarak-laran, kuarta ne’e.

Hosi akordu ne’e, sei fasilita ligasaun di’ak liután no iha posibilidade bele iha ligasaun aviaun Royal Brunei hosi Brunei mai diretamente Timór no hosi Timór ba Brunei.

Notísia relevante: Austrália no Timor-Leste asina akordu servisu aéreu

Antes ne’e, Governu Timor-Leste selebra ona akordu servisu aéreu ho Austrália hodi servisu di’ak liután iha ligasaun transporte aéreu país rua no fó biban ba kompañia hosi país rua hodi bele halo negosiasaun servisu aéreu.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here